Аляксандр Лукашэнка дзякуе старшыні Кітайскай Народнай Рэспублікі Сі Цзіньпіну за значны асабісты ўклад у развіццё беларуска-кітайскіх адносін. Аб гэтым кіраўнік беларускай дзяржавы заявіў сёння ў Пекіне на афіцыйных перамовах у пашыраным складзе з лідарам КНР.
«Мы сапраўды сур'ёзна прасунуліся ў напрамку нашага супрацоўніцтва. Дазвольце мне ад імя беларускага народа і маёй дзяржавы падзякаваць вас асабіста за такі ўклад у нашы адносіны. Калі б не было гэтага асабістага ўкладу, не было б і такіх адносін», - сказаў кіраўнік Беларусі.
Аляксандр Лукашэнка адзначыў, што для лідараў дзвюх краін стала ўжо добрай традыцыяй сустракацца некалькі разоў на год. «Пасля вашага візіту ў Беларусь у маі 2015 года мы вельмі інтэнсіўна працавалі над сумесным прасоўваннем тых ініцыятываў, якія былі вамі выказаны, і, перш за ўсё, эканамічнага пояса Шаўковага шляху, праекта Кітайска-беларускага індустрыяльнага парку, які вы назвалі жамчужынай Шаўковага шляху. Гэта сапраўды найважнейшы вузлавы элемент паглыблення рэгіянальнага і крэдытна-інвестыцыйнага супрацоўніцтва паміж нашымі дзяржавамі», — сказаў беларускі лідар.
Паводле яго слоў, у мінулы перыяд актыўна ажыццяўляліся дзелавыя кантакты паміж дзвюма краінамі. Толькі з верасня 2015 года праведзена больш за чатыры дзясяткі візітаў у Кітай беларускіх дэлегацый на чале з кіраўнікамі органаў дзяржаўнага кіравання, рэгіёнаў і буйных кампаній. У сваю чаргу Беларусь наведалі многія дэлегацыі дзяржаўных і партыйных органаў КНР як цэнтральнага, так і рэгіянальнага ўзроўню, прадстаўнікоў бізнес-супольнасці Кітая.
Цяпер чытаюць
Галоўным спікерам Жаночага форуму ў Мінску стане расійскі крынджовы псіхолаг, які расказваў пра «памяць жаночых палавых губ»14
Каментары