Alaksandr Łukašenka dziakuje staršyni Kitajskaj Narodnaj Respubliki Si Czińpinu za značny asabisty ŭkład u raźvićcio biełaruska-kitajskich adnosin. Ab hetym kiraŭnik biełaruskaj dziaržavy zajaviŭ siońnia ŭ Piekinie na aficyjnych pieramovach u pašyranym składzie ź lidaram KNR.
«My sapraŭdy surjozna prasunulisia ŭ napramku našaha supracoŭnictva. Dazvolcie mnie ad imia biełaruskaha naroda i majoj dziaržavy padziakavać vas asabista za taki ŭkład u našy adnosiny. Kali b nie było hetaha asabistaha ŭkładu, nie było b i takich adnosin», - skazaŭ kiraŭnik Biełarusi.
Alaksandr Łukašenka adznačyŭ, što dla lidaraŭ dźviuch krain stała ŭžo dobraj tradycyjaj sustrakacca niekalki razoŭ na hod. «Paśla vašaha vizitu ŭ Biełaruś u mai 2015 hoda my vielmi intensiŭna pracavali nad sumiesnym prasoŭvańniem tych inicyjatyvaŭ, jakija byli vami vykazany, i, pierš za ŭsio, ekanamičnaha pojasa Šaŭkovaha šlachu, prajekta Kitajska-biełaruskaha industryjalnaha parku, jaki vy nazvali žamčužynaj Šaŭkovaha šlachu. Heta sapraŭdy najvažniejšy vuzłavy elemient pahłybleńnia rehijanalnaha i kredytna-inviestycyjnaha supracoŭnictva pamiž našymi dziaržavami», — skazaŭ biełaruski lidar.
Pavodle jaho słoŭ, u minuły pieryjad aktyŭna ažyćciaŭlalisia dziełavyja kantakty pamiž dźviuma krainami. Tolki ź vieraśnia 2015 hoda praviedziena bolš za čatyry dziasiatki vizitaŭ u Kitaj biełaruskich delehacyj na čale z kiraŭnikami orhanaŭ dziaržaŭnaha kiravańnia, rehijonaŭ i bujnych kampanij. U svaju čarhu Biełaruś naviedali mnohija delehacyi dziaržaŭnych i partyjnych orhanaŭ KNR jak centralnaha, tak i rehijanalnaha ŭzroŭniu, pradstaŭnikoŭ biźnies-supolnaści Kitaja.
Kamientary