Рашэнне ў дачыненні трох каталіцкіх святароў перагледжана: яны застаюцца ў Беларусі
Пра гэта гаворыцца ў паведамленні арцыбіскупа, мітрапаліта Мінска-Магілёўскага Тадэвуша Кандрусевіча, размешчаным на сайце catholic.by.
«Адменена пастанова аб неўзгадненні душпастырскай дзейнасці трох святароў з Польшчы. Інфармацыю аб гэтым курыя Мінска-Магілёўскай архідыяцэзіі атрымала з Аддзела па справах рэлігій і нацыянальнасцяў пры Савеце Міністраў Рэспублікі Беларусь 14 ліпеня», — адзначаецца ў паведамленні.
«Такім чынам святары а. Раман Шульц OP — пробашч парафіі Св. Казіміра ў Магілёве, канвентуальны францішканін а. Лех Баханэк OFM Conv — пробашч парафіі Св. Міхала Арханёла ў Івянцы, аблат а. Ежы Катоўскі OMI — пробашч парафіі Найсвяцейшага Сэрца Езуса і св. Крыштафа ў Калодзішчах (Мінскі р-н)
будуць працягваць сваю душпастырскую дзейнасць на сваіх месцах у нашай краіне.
Курыя Мінска-Магілёўскай архідыяцэзіі выказвае падзяку органам дзяржаўнай улады за перагляд гэтай справы.
Асобную падзяку за салідарнасць, малітву і неабыякавасць ад імя Каталіцкая Касцёла прыносім усім тым, хто адрэгаваў на паведамленне курыі.
Глыбокапаважаныя святары, працягвайце заклікаць усіх вернікаў да шчырай малітвы аб пакліканнях да святарскага і манаскага жыцця ў нашай краіне», — адзначаецца ў паведамленні мітрапаліта Тадэвуша Кандрусевіча.
Як паведаміў БелаПАН прэс-сакратар Канферэнцыі каталіцкіх біскупаў у Беларусі ксёндз Юрый Санько, пакуль дакладна невядома, на які тэрмін было падоўжаны дазвол на служэнне ў Беларусі тром названым святарам. «Гэта заўсёды па-рознаму: бывае, і на паўгода даюць, бывае, і на тры месяцы, і на год. На гэта ўплываюць розныя фактары: дакументы павінны быць у парадку, тэрмін дзеяння пашпарта», - растлумачыў ён.
Па словах ксяндза Юрыя, сітуацыі, калі замежным святарам не працягваюць дазвол на служэнне ў Беларусі і высылаюць з краіны, - вельмі рэдкая з'ява. «І калі яно адбываецца, то па нейкіх пэўных прычынах», - дадаў ён.
«Мы адкрытыя для дыялогу з дзяржавай. Для таго і існуе гэты орган (апарат упаўнаважанага па справах рэлігій і нацыянальнасцяў), каб папярэджваць курыю пра якія-небудзь непаразуменнях, каб наладжваць кантакты, каб быў дыялог. Сёння гэты дыялог ёсць, і мы за гэта ўдзячныя», - падсумаваў прэс-сакратар Канферэнцыі каталіцкіх біскупаў.
Цяпер чытаюць
Хто той замежнік, які забіў жонку і згвалтаваў падчарыцу ў Добрушы13
Хто той замежнік, які забіў жонку і згвалтаваў падчарыцу ў Добрушы
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках88
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках8
«Калі і прыеду ў Беларусь, то ўжо як турыст». Аргенцінец хацеў зрабіць бізнэс у Беларусі, але яго выслалі за драбязу. Цяпер дазволілі вярнуцца, але ёсць нюанс22
Каментары