31 снежня мінскія магазіны будуць працаваць паводле звычайнага графіка
Харчовыя і нехарчовыя магазіны ў Мінску 31 снежня будуць працаваць паводле звычайнага графіка, паведамляе прэс-служба Мінгарвыканкама.
1 студзеня харчовыя магазіны будуць працаваць з 10.00 да 18.00, у нехарчовых выхадны дзень.
Згодна з рашэннем Мінгарвыканкама, буйныя харчовыя магазіны (гандлёвай плошчай большай за 650 квадратных метраў) з 15 снежня па 7 студзеня павінны закрывацца не раней за 22.00.
31 снежня і 6 студзеня аб'екты бытавога абслугоўвання насельніцтва працуюць паводле рэжыму працоўнага дня; для цырульняў заканчэнне працы — не раней за 21.00. У кожным адміністрацыйным раёне горада 7 студзеня павінны працаваць цырульні.
Усе аб'екты з 15 снежня па 15 студзеня не павінны закрывацца на рамонт, інвентарызацыю, санітарныя дні і іншыя падобныя мерапрыемствы.
Мінскі Камароўскі рынак 31 снежня працуе з 9.00 да 19.00, 1 студзеня — выхадны, 4 студзеня (панядзелак) — працоўны дзень. З 24 снежня па 3 студзеня з 10.00 да 19.00 на плошчы каля рынку праводзіцца навагодні кірмаш харчовых і нехарчовых тавараў. 31 снежня кірмаш адкрываецца ў 10.00 і закрываецца 1 студзеня ў 4.00.
Цяпер чытаюць
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць4040
Каментары