«Пэтсан і Фіндус святкуюць Каляды»: Харланчук і Хітрык на прэзентацыя кнігі шведскага пісьменніка Свэна Нурдквіста — 17 снежня
17 снежня ў 18:00 запрашаем у Галерэю сучаснага мастацтва «Ў» (пр. Незалежнасці, 37а) дзетак і дарослых на прэзентацыю кнігі шведскага пісьменніка і мастака Свэна Нурдквіста «Пэтсан і Фіндус святкуюць Каляды» з удзелам акцёраў Паўла Харланчука і Ганны Хітрык.
У праграме: калядная чытанка-забаўлянка.
Кніга «Пэтсан і Фіндус святкуюць Каляды» пабачыла свет у серыі «Каляровы ровар» Бібліятэкі Саюза беларускіх пісьменнікаў у перакладзе на беларускую мову Надзеі Кандрусевіч. Падрабязней тут.
Свэн Нурдквіст нарадзіўся ў 1946 годзе ў Хельсінборгу (Швецыя) і на працягу ўсяго жыцця займаўся маляваннем. Працаваў архітэктарам, настаўнікам, ілюстратарам. У 1983 годзе Свэн Нурдквіст перамог у конкурсе выдавецтва «Opal» на лепшую праілюстраваную кнігу.
У кнізе «Блінны торт» чытачы ўпершыню пазнаёміліся са старым, якога завуць Пэтсан і яго коцікам Фіндусам, якія пазней сталі героямі цэлай серыі.
Кнігі Свэна Нурдквіста будуць цікавыя дзецям і дарослым ад 3 да 99 гадоў, яны перакладзеныя больш як на 30 моваў свету.
Арганізатар — ГА «Саюз беларускіх пісьменнікаў», партнёр грамадская культурніцкая кампанія «Будзьма беларусамі!»
Уваход вольны!
Памілаваныя 15 чалавек, сярод якіх 13 палітвязняў15
Каментары