Кіроўцу, што 11 кастрычніка ездзіў па праспекце з бел-чырвона-белым сцягам, даішнікі затрымалі на дзве гадзіны ВІДЭА
Падчас акцыі пратэсту ўвечары 11 кастрычніка на Кастрычніцкай плошчы супрацоўнікі ДАІ затрымалі аднаго з кіроўцаў.
Пра гэта паведамляе праваабарончы цэнтар «Вясна».
Кіроўца, якога клічуць Ігар Малахаў, запісаў сваю размову з даішнікамі на відэа. Сёньня ролік зьявіўся ў інтэрнэце.
Прычынай спыненьня аўтамабіля, відавочна, паслужыла тое, што, праяжджаючы насупраць месца правядзеньня акцыі, Ігар Малахаў прасыгналіў у знак падтрымкі, у гэты ж час з акна ягонай машыны быў вывешаны бел-чырвона-белы сьцяг.
Як паведамляе партал tut.by са спасылкай на знаёмага Ігара Малахава, «з акна ў яго лунаў бел-чырвона-белы сьцяг. Каля цырку машыну спынілі супрацоўнікі ДАІ і, не тлумачачы нічога, прымушалі ехаць у РАУС для разбору. Але, паколькі кіроўца нічога не парушыў, ехаць у міліцыю ён адмовіўся. Аўтамабіль абшукалі і знайшлі ў багажніку 5 пачак соку. Інспэктары папрасілі даць чэк на тавар, але яго ў кіроўцы не аказалася. Супрацоўнікі ДАІ заявілі, што сок можа быць крадзены, і сказалі чакаць экспэртную групу».
Ігар Малахаў чакаў паўтары гадзіны, але ніхто да яго не прыехаў. Пасьля 22:00 супрацоўнікі ДАІ адпусьцілі кіроўцу.
Цяпер чытаюць
«Я больш не анархіст». Мікола Дзядок — пра турму, Бога і расчараванне ў ідэалогіях19
Каментары