Брытанская спявачка Сара Брайтман, славу якой прынёс удзел у мюзікле «Прывід оперы», адклала прызначаны на 1 верасня 2015 года палёт на Міжнародную касмічную станцыю ў якасці касмічнага турыста.
У заяве 54-гадовай спявачкі рашэнне тлумачыцца сямейнымі абставінамі, з-за якіх Брайтман прыйшлося адкласці падрыхтоўку да палёту.
Вядомая спявачка пачала падрыхтоўку да палёту ў космас у Зорным гарадку ў студзені.
Брайтман павінна была правесці ў космасе 10 дзён. На арбіце, на вышыні 420 кіламетраў спявачка хацела выканаць песню, напісаную ў суаўтарстве з яе былым мужам, кампазітарам Эндру Лойд Уэберам.
Паводле інфармацыі амерыканскай кампаніі Space Adventures, якая займалася арганізацыяй яе падарожжа, палёт мог абысціся ёй прыкладна ў 52 млн даляраў.
Чаму амерыканцы так ірвуцца на Месяц, што там будуць здабываць? І што да таго беларусам? Тлумачыць беларускі астрафізік8
Каментары