У Іране мужчынам забаранілі рабіць татуіроўкі і модныя прычоскі. Пра гэта паведамляе ABC News.
AP
«Стрыжкі, якія адносяцца да культу пакланення д'яблу, забароненыя. Любы салон, у якім пагодзяцца рабіць падобныя прычоскі, будуць пазбаўляць ліцэнзіі», — распавёў кіраўнік Асацыяцыі мужчынскіх цырульнікаў Ірана Мастафа Гавахі. Пад забарону трапляюць любыя мужчынскія прычоскі, у якіх валасы стаяць тарчма. Пры гэтым гелем для валасоў «у разумных межах» карыстацца дазваляецца.
Згодна з новымі правіламі, іранцам таксама нельга хадзіць у салярый і вышчыпваць бровы. На думку мясцовых уладаў, усё гэта «супярэчыць ісламскім каштоўнасцям».
Каментары