На пашыраным пасяджэнні палітычнай камісіі Партыі БНФ сёння было прынята рашэнне падтрымаць актывістку кампаніі «Гавары праўду» Тацяну Караткевіч у якасці адзінага кандыдата ад апазіцыйнай кааліцыі «Народны рэферэндум» на выбарах прэзідэнта ў 2015 годзе.
Пра гэта паведаміў лідар Партыі БНФ Аляксей Янукевіч.
Па словах Янукевіча, яго партыя заўсёды выступала за адзінства апазіцыі: «Пасля таго, як стала немагчымым дасягненне згоды паміж усімі суб'ектамі дэмакратычнага поля, мы сканцэнтраваліся на тым, каб быў адзіны кандыдат ад «Народнага рэферэндуму». Мы намінавалі на гэтую працэдуру Рыгора Кастусёва».
«Цяпер мы сталі заўважаць, што перамовы ў «Народным рэферэндуме» таксама рызыкуюць зайсці ў тупік, і таму вырашылі, што адзінства важнейшае за амбіцыі, і БНФ павінна праявіць палітычную адказнасць. Каб спыніць гэтыя спрэчкі і зацягнутыя перамовы, мы вырашылі падтрымаць Таццяну Караткевіч», — сказаў лідар БНФ.
Цяпер сваё меркаванне павінна выказаць Беларуская сацыял-дэмакратычная партыя (Грамада) — апошні з удзельнікаў кааліцыі «Народны рэферэндум», які фармальна не вызначыўся з выбарам.
Аднак мяркуючы па тым, што Таццяна Караткевіч — сябра гэтай партыі, БСДП(Г) таксама выкажацца ў яе падтрымку. Аналагічны прагноз робіць Аляксей Янукевіч. Фармальна рашэнне «Народнага рэферэндуму» будзе, хутчэй за ўсё, абвешчана на наступным тыдні, паведамілі ў кіраўніцтве кааліцыі.
Цяпер чытаюць
У віцэ-спікеркі Каардынацыйнай рады Лізаветы Пракопчык сабралася $12 тысяч даўгоў106
Каментары