36 (56). Аляксандр Машэнскі
Уласнік кампаній «Санта-Брэмар» і «Савушкаў прадукт».
Галоўны бізнэсмен Брэстчыны прайшоў па лязе ў 2012-м, калі ягонае імя стаяла наступным у спісе «кашалькоў Лукашэнкі», супраць якіх меркавалася ўводзіць санкцыі Еўрасаюза. Для Машэнскага, які займаецца пастаўкамі рыбы з Захаду, гэта магло стаць непрыемным ударам. Але абышлося.
Неўзабаве Машэнскі набыў завод у Падмаскоўі. А дзякуючы забароне на імпарт еўрапейскай прадукцыі ў Расіі, яшчэ павялічыў долю на рынку ўсходняга суседа.
Рыбны бізнэс быў заснаваны бацькам мільянера, Міхаілам Машэнскім. Аляксандр здолеў разгарнуць яго, набыўшы малочную вытворчасць. «Савушкаў» лідзіруе на рынку, хоць утварыць на ягонай базе агульнабеларускі холдынг не ўдалося. Цяпер брэсцкае малако скарае еўрапейскі рынак, атрымаўшы патрэбныя сертыфікаты якасці.
Цытата
«Думаю, Беларусь вернецца ў Еўропу разам з Расіяй».
Жнівень 2014.
Аб’ектыўка
Нар. у 1970 у Брэсце. Скончыў механіка-матэматычны факультэт БДУ. Уласнік кампаній «Санта-Брэмар» і «Савушкаў прадукт». Старшыня Беларускай федэрацыі веславання. Ганаровы консул Ісландыі ў Беларусі. Жанаты, мае дзвюх дачок.
* * *
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі37
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4545
Каментары