100%: санэпідслужба праверыла 230 гандлёвых аб'ектаў і ў кожным знайшла парушэнні
За студзень санітарна-эпідэміялагічная служба сталіцы праверыла 230 прадпрыемстваў гандлю.
У 100% выпадкаў устаноўлены тыя ці іншыя парушэнні. Пра гэта сёння паведаміла галоўны дзяржаўны санітарны доктар горада Наталля Жукава на аператыўнай нарадзе ў Мінскім гарадскім выканаўчым камітэце.
У ліку асноўных парушэнняў — нездавальняючы санітарна-тэхнічны стан, невыкананне правілаў захоўвання тавараў, тэрмінаў рэалізацыі і шэраг іншых. Па выніках праверак да адміністрацыйнай адказнасці прыцягнуты 270 юрыдычных і службовых асоб. Агульная сума штрафаў склала крыху больш за 1 млрд рублёў.
Прыпынялася праца 51 гандлёвага аб'екта. На сённяшні дзень 23 з іх яшчэ не аднавілі дзейнасць.
Знята з рэалізацыі 1.432 кг недабраякаснай прадукцыі. З іх 740 кг — не беларускай вытворчасці (не дапушчаныя да продажу па выніках лабараторных даследаванняў і іншых паказчыках).
«Гэтая праца працягваецца», — распавяла Жукава.
У цэлым, па яе словах, прасочваецца такая тэндэнцыя: у санэпідслужбы звяртаюцца грамадзяне, спецыялісты выязджаюць на месца і ацэньваюць сітуацыю. Але, на думку Жукавай, пастаянныя парушэнні закладзеныя ў самой сістэме гандлю. Гаворка ідзе пра ператварэнне крамы ў склад, асабліва калі яна размешчанв ва ўбудаваным ў жылы дом памяшканні. Гэта выклікае пастаянныя абгрунтаваныя скаргі жыхароў.
«Вядома, меры мы прымаем, сумы штрафаў вялікія, але пры аднаўленні дзейнасці магазінаў праз нейкі час сітуацыя паўтараецца, — адзначыла Жукава. — Наспела неабходнасць абмеркавання з кіраўнікамі гандлёвых прадпрыемстваў выбудоўвання лагістыкі. Так, запланаваная нарада з кіраўніцтвам адной з найбуйнейшых гандлёвых сетак для таго, каб выпрацаваць меры па папярэджанні ўзнікнення парушэнняў».
Галоўным спікерам Жаночага форуму ў Мінску стане расійскі крынджовы псіхолаг, які расказваў пра «памяць жаночых палавых губ»12
Каментары