Аляксандр Іваноў, старэйшы сын кіраўніка адміністрацыі прэзідэнта Расіі Сяргея Іванова, загінуў у Аб'яднаных Арабскіх Эміратах. Ён патануў 3 лістапада.
Аляксандр Іваноў нарадзіўся 18 сакавіка 1977 года ў Маскве. У 2000 годзе скончыў МГІМО па спецыяльнасці «Сусветная эканоміка», у 2003-м — Фінансавую акадэмію пры ўрадзе РФ. Некалькі гадоў працаваў у ВТБ, у Знешэканамбанку — з 2006 года.
У маі 2005 года сын Іванова стаў удзельнікам ДТЗ у Маскве. У выніку загінуў пешаход — 68-гадовая Святлана Берыдзэ. Распачатая па факце гібелі чалавека крымінальная справа была закрыта, бо, паводле заключэння экспертаў, «кіроўца Іваноў А.С. не меў тэхнічнай магчымасці прадухіліць наезд на пешахода Берыдзэ С.К».
Цяпер чытаюць
Чаму амерыканцы так ірвуцца на Месяц, што там будуць здабываць? І што да таго беларусам? Тлумачыць беларускі астрафізік8
Каментары