Пасля паражэння на прэзідэнцкіх выбарах 2010 года адзінства для лідара кампаніі «Гавары праўду» Уладзіміра Някляева «стала прынцыповай справай».
Пра гэта палітык заявіў, выступаючы з прывітальным словам на чарговым з'ездзе Партыі БНФ, які праходзіць 11 кастрычніка ў Мінску.
«Мы не здолелі перамагчы ў 2010 годзе, бо не былі аб'яднаныя ні адзіным лідарам, ні адзінай стратэгіяй», — падкрэсліў ён.
Кансультуючыся з лідарамі апазіцыі, адзначыў Някляеў, ён зыходзіць з таго, што «важна, хто будзе адзіным лідарам, але яшчэ важнейшы адзіны падыход і тактыка».
«Калі сталі разбірацца, хто першы, то высветлілася: усе — першыя.
Затым я прапанаваў вылучыць адзіным кандыдатам Мікалая Статкевіча, адначасова выставіўшы ўладам шэраг патрабаванняў. Калі б улады не выканалі нашы патрабаванні, мы перайшлі б да актыўнага байкоту выбараў», — сказаў Някляеў.
Ён паведаміў, што не была падтрыманая і яшчэ адна яго ініцыятыва аб вылучэнні дэлегатаў на кангрэс дэмакратычных сіл праз збор подпісаў. «На адным з пасяджэнняў я сказаў, што адмаўляюся ад прапановы аб зборы подпісаў, а значыць, і ад прэтэнзій на адзінага кандыдата. Але пры ўмове, што адзіны кандыдат дасць мне выразны адказ, што ён будзе рабіць на прэзідэнцкіх выбарах», — сказаў палітык.
Някляеў выказаў надзею, што на з'ездзе Партыя БНФ вызначыцца «з дакладнымі прынцыпамі ўдзелу ў выбарах, ад якіх лідар не зможа адысці ў сваёй дзейнасці».
Цяпер чытаюць
Cцяпан Латыпаў трэці раз спрабаваў здзейсніць суіцыд у турме4
Cцяпан Латыпаў трэці раз спрабаваў здзейсніць суіцыд у турме
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1313
Каментары