Рашэнне аб павелічэнні падаходнага падатку, хутчэй за ўсё, будзе прынята. Пра гэта заявіў журналістам 17 верасня намеснік прэм'ер-міністра Беларусі Пётр Пракаповіч, паведамляе БелТА.
Паводле яго слоў, рашэнне аб павышэнне падаходнага падатку з 12% да 13% абмяркоўвалася і, хутчэй за ўсё, будзе прынята. «Усе грошы будуць накіраваны на сям'ю, на падтрымку дзяцей», - сказаў віцэ-прэм'ер.
Адказваючы на пытанне аб планаваным павелічэнні ПДВ і зніжэнні падатку на прыбытак, Пётр Пракаповіч адзначыў, што «заўсёды абмяркоўваецца шмат варыянтаў».
«Канчатковае рашэнне будзе прынята на пасяджэнні Прэзідыума Савета Міністраў», - дадаў ён.
На думку віцэ-прэм'ера, у цэлым варта не павышаць падаткі для прадпрыемстваў, а ствараць умовы, каб прадпрыемствы станавіліся больш плацежаздольнымі.
Раней паведамлялася, што ўрад разглядае законапраект, які прадугледжвае павелічэнне ПДВ з 20% да 22%, падаходнага падатку з 12% да 13% і зніжэнне падатку на прыбытак з 18% да 15%.
Гэта навіна з'яўляецца удакладненнем навіны, якая выйшла 17 верасня.
Тады БелТА паведаміла, што Пракаповіч заявіў 17 верасня, што рашэнне пра павышэнне падаходнага падатку, хутчэй за ўсё, прынята не будзе.
Цяпер чытаюць
Зміцер Дашкевіч сказаў, што трэба рабіць беларусам зараз, каб краіна стала свабоднай і незалежнай15
Каментары