Čym bližejšaja Alimpijada, tym usio bolej pierakonvajusia ŭ dumcy, što adzinaje na śviecie spartovaje mierapryjemstva, dzie atlety nie ŭžyvajuć dopinhu, — mienskaja łyžnia na kubak prezydenta.
Choć ty zažrysia anabolikami, choć usie vieny zašyraj metamfetaminami, choć ty abkurysia kasiakami darbepaetynu — usio roŭna pieramoža vuń toj vusaty łyžnik. Inšaja reč u alimpijskim ruchu.
Tam skłałasia paradaksalnaja sytuacyja: z adnaho boku, ad spartsmenaŭ patrabujuć rekordaŭ — praryvaŭ za ramki fizyčnych limitaŭ arhanizmu homa sapijensa, a z druhoha — zabaraniajuć prymać rečyvy, jakija b stymulavali takija bijalahičnyja nonsensy. Na sajcie Suśvietnaj federacyi šachmat pračytaŭ, što ciapier navat amataraŭ chodu ferzia ź Je2 na Je4 buduć praviarać na prysutnaść niejkich stymulataraŭ. Nonsens. Viadoma, što skandynaŭskija vikinhi zdoleli zachapić usiu Eŭropu jakraz dziakujučy tamu, što abažralisia muchamoraŭ.
Miž tym, dośvied našaj suajčyńnicy Julii Paŭłovič demanstruje, što my taksama nie na abočynie prafesijnaha sportu. Nahadaju, što ŭ vyniku ekspertyzy na Alimpijadzie ŭ Sołt-Łejk-Syty vyśvietliłasia, što skład niejkaha nandaranołu ŭ analizie našaj šort-trekaŭki ŭ 380 razoŭ pierakryŭ normu. Heta, jak ni dziŭna, śviedčyć pra toje, što my sapraŭdy ŭ kahorcie spartovaj elity. U vieraśni 2003 h. źjaviłasia infarmacyja ab tym, što ŭžo stvorany hienny dopinh. Ujavicie sabie, što praz paru hadoŭ Mirnamu zmohuć pierasadzić hien, jaki pavialičyć moc jaho ŭdarnaj ruki na stolki kabylinych sił, što taje mocy chopić, kab niejki tam Ahasi vylecieŭ za kort. A Bialkieviču zmohuć specyjalna pašyryć nyrki. Tady jon usie 90 chvilin hulni budzie zastavacca na poli śviežačkom. Pry hetym nia značyć, što ŭ Mirnaha ŭ vyniku pryjomu dopinhu druhaja ruka vysachnie, a Bialkievičava žonka ad seksualnaj bieznadziohi (efekt dopinhu) pojdzie naleva: źmieny ŭ adnym orhanie arhanizmu nia buduć upłyvać na inšyja.
Poŭnaściu hety artykuł možna pračytać u papiarovaj i pdf-versii "Našaj Nivy"
Lolik Uškin
Pastar Hrem na «Čyžoŭka-arenie» paprasiŭ malicca za Łukašenku i Pucina. A sam maliŭsia za Trampa55
Pastar Hrem na «Čyžoŭka-arenie» paprasiŭ malicca za Łukašenku i Pucina. A sam maliŭsia za Trampa
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie5555
Kamientary