Pavodle vučeńnia frojdamarksistaŭ, padtrymka partyj, jakija vystupajuć za režym mocnaj ruki, i žadańnie pajści na chaładziec moža tłumačycca adnym i tym ža zavualavanym pryncypam sadamazachičnaha zadavalnieńnia.
U abodvuch vypadkach uzbudžeńnie adbyvajecca za košt akcentavańnia na sytuacyi pakutaŭ. Achviara niamieckaha ludajeda išła na śmierć, smakujučy napierad, jak joj adrežuć penis i zasmažać jaho z časnykom. Rasiejski vybarščyk upadaŭ u elektaralny ekstaz, kanstrujujučy ŭ padśviadomaści vobrazy Čubajsa, jaki pakutuje na narach, i zhvałtavanaj amerykancami Radzimy.
Kali eratyčnaja afarboŭka Radzimy-maci jašče zrazumiełaja, dyk vobraz lidera RAT «AES» u pałasataj kufajcy, jaki hetak smakujecca rasiejcami dy vyklikaje akt hłybokaha zadavalnieńnia i navat niejkaha ŭzvyšeńnia, mnie asabista čužy i niezrazumieły. Atrymańnie amal seksualnaha zadavalnieńnia ad pakutaŭ liberała (liberałasadafilija), vidavočna, źjaŭlajecca novaj fazaj raźvićcia rasiejskaj kamasutry, nieviadomaj nam, ciomnym ludziam na bałocie. Sprabavaŭ uzbudzicca, malujučy ŭ dumkach Labiedźku ŭ eratyčnaj top-ciełahrejcy, adnak arhanizm usie fantazii rašuča sabatavaŭ.
Na šlachu intehracyi, pobač z prablemami pryvatyzacyi «Biełtranshazu» i ŭviadzieńnia adzinaha hrašovaha srodku, uźnikła novaja — roznyja vektary seksualnaj aktyŭnaści. Ci zdolny braterskija słavianskija narody abjadnacca biez adzinaj systemy seksualnaj kampensacyi?
Vyrašyć prablemu možna dvuma srodkami. Pavodle Erycha Froma, destruktyŭnaść pieraadolvajecca racyjanalizacyjaj. Madel kamunizmu i jość nieabchodnaj racyjanalizacyjaj — hramadztva, pabudavanaje na idejach braterstva, roŭnaści i ščaścia. Adnak, bajusia, idei admieny hrošaj, rospusku vojska i palicyi, pieradačy ŭłady miascovym savietam i inšyja prybambasy kamunistyčnaj farmacyi «baćku» nie spadabajucca.
Adziny sposab likvidavać seksualnuju palaryzacyju słavianaŭ — daručyć Anatolu Čubajsu pravieści ŭ Biełarusi enerhietyčnuju reformu. «Rudy šelma» chutka pryvučyć nas da vejernych adklučeńniaŭ śviatła, stoadsotkavaj apłaty za ŽKH, techniki biaśpieki pry karystańni buržujkami i haźničkami, synchranizujučy takim čynam fluidy rasiejskich i biełaruskich Ja i Jano.
Mahčyma, jašče nia ŭsio zahublena ŭ našaj seksualnaj adukacyi. Vieru: jašče pryjdzie dzień, kali navina ab aryšcie udzielnikaŭ pikietu AHP zamienić biełarusam pihułku vijahry i klip «Tatu».
Lolik Uškin
Kamientary