U Polščy i inšych eŭrapiejskich krainach ad samaha ranku pačalisia samyja roznyja akcyi ŭ padtrymku biełaruskich demakratyčnych siłaŭ i suprać falsyfikacyjaŭ vynikaŭ vybaraŭ. Ranicaj na polska-biełaruskaj miažy, na pierachodzie ŭ Kuźnicy Biełastockaj dziesiatki maładych ludziej pačali akcyju «Abšar demakratyi», u časie jakoj symbalična zaprašali biełarusaŭ u Eŭraźviaz. Prystunyja skandavali, «Łukašenka - čas sychodzić», «Eŭropa ź Biełaruśsiu». Amal adnačasova - kala 10 hadziny pavodle mienskaha času - pikiety pačalisia ŭ Bruseli, Paryžy, Prazie i Bonie, paviedamiła «Radyjo Svaboda».
Siabry Biełaruska-eŭrapiejskaha zadzinočańnia ŭručyli supracoŭnikam biełaruskaj ambasady ŭ Belhii petycyju, u jakoj pratestujuć suprać pieraśledu aktyvistaŭ niezaležnych kandydataŭ na pasadu prezydenta, žurnalistaŭ, a taksama nahadvajuć ab kryminalnaj adkaznaści za ŭdzieł u falsyfikacyjach.
Potym niekalki ŭdzielnikaŭ pikietu zastalisia kala ambasady, kab pravieści apytańnie na vychadzie z pasolstva tych biełarusaŭ, chto budzie hałasavać, a astatnija pierajšli ŭ centar Bruselu.
U Prazie ŭ časie analahičnaha apytańnia, jakoje naładzili ŭdzielniki akcyi pratestu kala ambasady, lider vyznačyŭsia ŭžo kala 14 hadziny pavodle mienskaha času. «Prahałasavali kala sta čałaviek, ź ich adzin za Hajdukieviča, pa dvoje za Łukašenku i Kazulina, a astatnija ŭsie za Milinkieviča», -- paviedamiŭ «Radyjo Svaboda» Jaŭhien Sidoryk.
Miž tym kala ambasady Biełarusi ŭ Varšavie a 15-j hadziny pavodle mienskaha času taksama adbyłasia akcyja pratestu, u jakoj uziaŭ udzieł staršynia Demakratyčnaj partyi Polščy i vice-śpikier Eŭrapjieskaha parlamentu Januš Anyškievič, jakoha ŭčora biełaruskija ŭłady nie puścili ŭ Biełaruś.
Kala ambasady siabry Źviazu na karyść demakratyi ŭ Biełarusi naładzili taksama alternatyŭnaje hałasavańnie, vyniki jakoha buduć viadomyja ŭviečary paśla 20-j hadziny, kali tam adbudziecca jašče adna demanstracyja.
-
Biełarusam Alenie i Krystafu, u jakich u Varšavie zhareła arendnaja kvatera, za dzień sabrali bolš za $16 tysiač
-
Biełarus, jakomu zabaranili ŭjazdžać u Jeŭropu, znajšoŭ chitry sposab, jak heta abyści
-
Śpiecyjalisty patłumačyli, nakolki niebiaśpiečnyja masty i puciepravody, chiby jakich pakazvajuć u internecie
Kamientary