«Znachar» i «Vychavalniki»
Meladrama i antyhlabaliskaja drama.
ANT, 17.55
Znachar (Znachor)
Polšča, 1982, kalarovy, 128 chv.
Režyser: Ježy Hofman
Roli vykonvajuć: Ježy Binčycki, Artur Barčyš, Hanna Dymna, Andžej Kapičynski, Hienaviefa Korska, Tomaš Stokinhier
Žanr: Meladrama pavodle ramanu Tadevuša Dalenhi-Mastoviča
Adznaka: 6,5 (z 10)
Ad znakamitaha chirurha Rafała Viłčura (Ježy Binčycki) syšła žonka j zabrała maleńkuju dačku. A złodziei rabujuć chirurha j žorstka jaho źbivajuć: ciapier jon aničoha nia pamiataje. Hieroj badziajecca pa vioskam – i traplaje da bahataha młynara. U młynara syn-kaleka – i hieroj jaho lekuje.
Słava pra znachara chutka razychodzicca, ale buduć novyja vyprabavańni…
Karcina Ježy Hofmana – najuzorniejšaja meladrama: niaščaści, ślozy, raźbitaja siamja, zhublenaja pamiać, znojdzienaja dačka – i radaść naprykancy. Žanr padkreślivajecca ŭźvinčanaju aktorskaj hulnioj – ale j heta j padabajecca. I dachodzić da kožnaha. Film vielmi pasuje dla siamiejnaha prahladu.
Adzin z sama ŭdałych čullivych filmaŭ.
STV, 23.25
Vychavalniki (Die fetten Jahre sind vorbei / Edukators)
Niamieččyna – Aŭstryja, 2004, kalarovy, 127 chv.
Režyser: Chans Vajnharten
Roli vykonvajuć: Daniel Brul, Julija Jenč, Štypie Erceh, Burhchard Kłaŭsner
Žanr: Sacyjalna-palityčnaja drama
Trojca buntaŭnikoŭ-antyhlabalistaŭ zabirajecca ŭ kvatery biurhieraŭ – i pierastaŭlaje tam rečy, pratestujučy takim čynam suprać spažyvieckaha hramadztva. Padčas adnoj z takich aperacyj na scenie niečakana źjaŭlajecca haspadar, były hipi…
Studenckija paŭstańni 60-ych zavieršylisia ździejśnienaj seksualnaj revalucyjaj – i novym dabrabytam. Byłyja revalucyjanery sami stalisia “sytaj buržuazijaj”, i ciapier ichnija dzietki hrajuć u “paŭstancaŭ”.
Film dla antyhlabalistaŭ i amataraŭ “Letucieńnikaŭ” Bertalučy.
Karcina była pradstaŭlenaja na Kanskim feście.
Ciapier čytajuć
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy
Kamientary