Livijski čynoŭnik: napad na konsulstva i zabojstva pasła ZŠA byli spłanavanyja
Napad na konsulstva ZŠA ŭ livijskim Bienhazi i zabojstva pasła Krystafiera Styviensa i troch supracoŭnikaŭ dypmisii byli častkaj staranna spłanavanaj apieracyi.
Pra heta Associated Press paviedamiŭ vysokapastaŭleny čynoŭnik urada Livii.
«Ataka była arhanizavanaj dvuchstupiennaj apieracyjaj dobra ŭzbrojenych bajevikoŭ», — zajaviŭ čynoŭnik.
Pavodle jaho słovaŭ, napad śpiecyjalna byŭ padrychtavany da hadaviny teraktu 11 vieraśnia.
Čynoŭnik dadaŭ, što bajeviki ŭ jakaści prykryćcia skarystalisia situacyjaj z žycharami krainy, abražanymi źmiestam skandalnaha amierykanskaha filma «Nievinavataść musulman».
Kamientary