Alaksandr Łukašenka ŭručyŭ siońnia paśviedčańnie kiraŭnika Administracyi prezidenta Andreju Kabiakovu.
Pradstaŭlajučy na pasadzie Andreja Kabiakova, Łukašenka adznačyŭ, što hety čałaviek z honaram słužyŭ krainie i narodu na samych roznych učastkach: i ŭ kantrolnych orhanach, i na vysokich pasadach va ŭradzie, u Administracyi prezidenta, na dypłamatyčnym poli dziejnaści. «U Biełarusi ŭłada narodnaja, i my imkniomsia zrabić tak, kab va ŭładu prychodzili tolki addanyja krainie ludzi, samyja vysokija prafiesijanały, z hłybokim dziaržaŭnym myśleńniem», — skazaŭ Alaksandr Łukašenka. — Vypadkovych ludziej tut być nie moža».
«Padbor kadraŭ — hałoŭny napramak dziejnaści luboha kiraŭnika, u tym liku i prezidenta.Vyrašeńnie kadravych pytańniaŭ zaŭsiody patrabuje asablivaj uvahi, udumlivaści, časam juvielirnaha padychodu. Tym bolš kali razmova idzie ab naznačeńni na samyja vysokija dziaržaŭnyja pasady našaj krainy, u tym liku i pasadu kiraŭnika Administracyi prezidenta», — adznačyŭ Łukašenka.
Alaksandr Łukašenka padkreśliŭ, što Administracyja prezidenta — nie prosta adna z mnohich dziaržaŭnych ustanoŭ, heta pa sutnaści prezidencki štab, analityčny mazhavy centr, dzie rychtujucca prajekty rašeńniaŭ, što vyznačajuć los krainy. Na jaho dumku, tym vyšej adkaznaść pry naznačeńni načalnika hetaha štaba. «Heta pavinien być nie prosta prafiesijanał, a sistemny, unutrana vysokaarhanizavany, adkazny, sumlenny čałaviek, patryjot svajoj krainy», — pierakanany jon.
Alaksandr Łukašenka adznačyŭ, što rašeńnie ab naznačeńni na pasadu kiraŭnika Administracyi prezidenta Andreja Kabiakova było pryniata zychodziačy z hetych i inšych kryteryjaŭ.
-
U anieksavanym Krymie biełarusa asudzili za «špijanaž»
-
Kolkaść palitviaźniaŭ rezka skaraciłasia — amal na 100 čałaviek. Za košt čaho?
-
Ci patrebnaja biełaruskaja mova tym, chto razmaŭlaje pa-rusku? Azaronak zadaŭsia takim pytańniem na STB, a vypusknik Akademii MUS prapanavaŭ zamianić uroki fakultatyvami
Kamientary