Aktyvistka apazycyi z Mahilova na sustrečy z žurnalistami raskazała padrabiaznaści svajho skradańnia i znachodžańnia ŭ psychijatryčnaj bolnicy.
Aktyvistka apazycyi z Mahilova na sustrečy z žurnalistami raskazała padrabiaznaści svajho skradańnia i znachodžańnia ŭ psychijatryčnaj bolnicy.
Nahadajem, što K. Šacikavu zatrymali 22 sakavika ŭ Miensku i advieźli ŭ Mahiloŭ, dzie adbyŭsia dopyt u KDB. Pavodle słoŭ žančyny, supracoŭniki kamitetu pierakonvali Kryścinu nia jechać 25 sakavika ŭ Miensk, ale jana admoviłasia. Amal adrazu pa vychadzie z budynku da sp. Šacikavaj padjechała niejkaja mašyna i ludzi ŭ cyvilnym uciahnuli tudy. Kryścina śćviardžaje, što ŭ mašynie jaje sprabavali zhvałtavać.
Paźniej, zaznačaje žančyna, jaje advieźli ŭ psychijatryčny špital, dzie pryviazali da łožku i kałoli psychatropnymi preparatami, siarod jakich byŭ sibazon. K. Šacikava kaža, što vielmi kiepska pačuvałaśsia. «Pierad vačyma ja bačyła niejkija kryvavyja plamy. Ja absalutna nie chadziła ŭ prybiralniu, a taksama nia jeła. Kali ŭ mnie stała zusim kiepska z sercam, to mnie dali validoł. Maci pieradała mnie cyharety i šakaladku, a taksama zapisku «Ja ciabie alu». «Alu» — heta ź dziacinstva, tady ja nie mahła vymavić słova «lublu». Uračy pačali pytacca, što heta značyć, ja skazała jak jość. Jany nie pavieryli, ukałoli mnie niejkaje rečyva, kab ja zasnuła i pačali rabić poŭny vobšuk».
Kryścina kaža, što ŭračoŭ bolš cikaviŭ nia jejny stan zdaroŭja, a adnosiny z moładzievymi aktyvistami i arhanizacyjami. «Adny i tyja ž pytańni jany zadavali pa niekalki razoŭ», ‑‑ kaža Šacikava.
Zaraz Kryścina Šacikava źbirajecca pravieści niezaležnuju medyčnuju ekspertyzu, kab pierakanacca, što jana zdarovaja. Taksama jana napisała list na imia staršyni Mahiloŭskaha abłvykankamu Barysa Batury sa skarhaj na supraćzakonnyja dziejańni supracoŭnikaŭ špitalu i tych ludziej, što jaje skrali.
Kamientary