Łukašenka: Pra novyja lhoty afhancam movy być nie pavinna

Voiny-internacyjanalisty pavinny dastojna pryniać estafietu patryjatyčnaha vychavańnia moładzi ad vieteranaŭ Vialikaj Ajčynnaj vajny. Pra heta Alaksandr Łukašenka zajaviŭ 10 maja na sustrečy z aktyvam Biełaruskaha sajuza vieteranaŭ vajny ŭ Afhanistanie, paviedamlaje pres-słužba kiraŭnika dziaržavy.

«Jak ni horka kazać, ale šerahi vieteranaŭ Vialikaj Ajčynnaj vajny radčejuć. Heta praces naturalny. Tamu estafietu patryjatyčnaha vychavańnia moładzi treba brać vam», — padkreśliŭ Łukašenka, źviartajučysia da pradstaŭnikoŭ Biełaruskaha sajuza vieteranaŭ vajny ŭ Afhanistanie.

Adno z pytańniaŭ, jakoje znachodziłasia ŭ centry ŭvahi na sustrečy, — adrasnaja sacyjalnaja padtrymka afhancaŭ. «Vy — aktyŭ hramadskaha abjadnańnia. I pavinny viedać usie prablemy i kankretnyja patreby členaŭ vašaha sajuza. A dla taho kab jany vyrašalisia, nieabchodna bolš enierhična ŭzajemadziejničać, pierš za ŭsio z pradstaŭnikami orhanaŭ ułady na miescach», — skazaŭ Łukašenka.

Razam z tym jon padkreśliŭ, što nie pavinna być razmovy ab davańni novych ilhotaŭ. «Ja prychilnik, kab dapamahać tym, kamu treba dapamahčy: invalidam, abiazdolenym ludziam, jakija nie mohuć sami zarablać.

U nas taksama takich niamała, i my tracim na heta niemałyja hrošy, i raschody buduć pavialičvacca. My nie možam kinuć biazdomnych, invalidaŭ, asłablenych, sastarełych, jakija nie mohuć zarablać»,

Kiraŭnik dziaržavy taksama źviarnuŭ uvahu na nieabchodnaść pavyšeńnia statusu voinaŭ-internacyjanalistaŭ u hramadstvie. «Asnova aŭtarytetu luboj arhanizacyi, viadoma ž, jaje adzinstva.

Na žal, u šerahach afhancaŭ jość tyja, chto pravakuje raskoł. Praŭda, ich niamnoha, adzinki, ale jany jość», — kanstatavaŭ Łukašenka.

Jon upeŭnieny, što adnoj z asnoŭnych metaŭ sajuza pavinna stać zhurtavańnie šerahaŭ, abjadnańnie ŭsich voinaŭ-internacyjanalistaŭ u siłu, zdolnuju ŭpłyvać na hramadskuju dumku i sacyjalnyja pracesy ŭ krainie. Łukašenka zaznačyŭ, što mienavita dasiahnieńnie hetaj mety stała adnym z hałoŭnych, važkich arhumientaŭ, jaki padšturchnuŭ jaho dać zhodu na toje, kab hienierał-major Valeryj Hajdukievič sumiaščaŭ abaviazki namieśnika ministra ŭnutranych spraŭ — kamandujučaha ŭnutranymi vojskami Biełarusi z hramadskaj pracaj na pasadzie staršyni Respublikanskaha savieta hramadskaha abjadnańnia «Biełaruski sajuz vieteranaŭ vajny ŭ Afhanistanie». Niemałavažnym faktaram taksama stali «aŭtarytet i pavaha, jakim karystajecca Valeryj Hajdukievič siarod voinaŭ-afhancaŭ».

Što tyčycca ŭ cełym dziaržaŭnaj padtrymki voinaŭ-internacyjanalistaŭ, ich sacyjalnaj abaronienaści, to, pavodle słoŭ vice-premjera Anatola Tozika, niavyrašanych pytańniaŭ siońnia «praktyčna niama».

• 0
• 0
• 0
• 0
• 0
• 0
• 0
• 0