Mieniedžar arhanizacyi Free Belarus Now žalicca, što francuzskija orhany nijak nie adklikajucca na zapyty nakont Kulašova.
«Francuzskija orhany zusim z nami nie supracoŭničajuć i nam nie ŭdałosia vyśvietlić miescaznachodžańnie Kulašova», — paviedamiła mieniedžar Free Belarus Now Zara Kumbs.
Pavodle jaje słovaŭ, ni ad Interpoła, ni ad Ministerstva justycyi Francyi, kudy jany źviartalisia ŭ papiarednija dni, adkazu nie pastupiła.
Čas adlotu Kulašova z Francyi, zapłanavany na siońnia, aktyvistam taksama nie viadomy. Kali ministr usio jašče na terytoryi Francyi, to siońnia apošni dzień zatrymać jaho na padstavie ordara.
Free Belarus New źviarnułasia da presy i hramadskaści Francyi dapamahčy vyjavić miescaznachodžańnie Anatola Kulašova.
Šancy, što ordar na aryšt biełaruskaha ministar vydaduć, Zara Kumbs acanić nie ŭziałasia, paviedamiła, što jany «ŭsio jašče spadziajucca, što order vydaduć».
Nahadajem, ministra ŭnutranych spraŭ Biełarusi sprabujuć pryciahnuć da adkaznaści ŭ Francyi za złačynstvy, jakija padpadajuć pad univiersalnuju jurysdykcyju. U minułym vieraśni brytanskaja firma McCue & Partners LLP abvieściła, što padrychtavany śpiecyjalny dakumient z padmacavanymi faktami abvinačavańniami suprać Alaksandra Łukašenki, kiraŭnika MUS Anatola Kulašova i staršyni KDB Vadzima Zajcava. Ich, siarod inšaha, vinavaciać u katavańniach
Kamientary