Cana rasiejskaj nafty dla Biełarusi ŭ paraŭnańni z 2011 hodam ŭpadzie na 30 dalaraŭ
Rasiejskija naftavyja kampanii nie buduć atrymlivać premii pry pastaŭcy nafty ŭ Biełaruś, jakaja składała 45–47 dalaraŭ za tonu, što źnizić canu syraviny dla Biełarusi prykładna na 30 dalaraŭ za tonu ŭ paraŭnańni z canoj minułaha hoda,paviedamiła RIA «Naviny» krynica ŭ naftavaj halinie.
Źnižeńnie cany praduhledžana pratakołam uzhadnieńnia ŭmoŭ pastaŭki rasiejskaj nafty ŭ Biełaruś na 2012–2015 hady, jaki byŭ padpisany pamiž kancernam «Biełnaftachim», biełaruskimi pierapracoŭščykami nafty i rasijskimi naftavymi kampanijami 15 śniežnia ŭ Maskvie. Surazmoŭca patłumačyŭ, što ŭ minułym hodzie ŭmovy pastaŭki rasiejskaj nafty praduhledžvali vypłatu premii rasiejskim naftavym kampanijam u pamiery 45–47 dalaraŭ za tonu.
«Zhodna ź ciapierašnimi ŭmovami, premija rasiejskim naftavym kampanijam pry pastaŭcy nafty adsutničaje. Tym nie mienš,
cana nafty pryviazanaja da cany syraviny ŭ porcie Raterdam, choć biełaruski bok prapanoŭvaŭ pryviazku da porta Prymorsk. U vyniku nafta budzie daražejšaja prykładna na 1,5 dalara za barel, heta značyć prykładna na 15 dalaraŭ za tonu.Takim čynam, adšturchvajučysia ad pamieru premii, cana tony nafty ŭ paraŭnańni ź letašniaj canoj budzie nižej prykładna na 30 dalaraŭ», — skazaŭ surazmoŭca.
Pratakoł ab uzhadnieńni ŭmoŭ naftavych pastavak zamacoŭvaje pierachod na novuju formułu cenaŭtvareńnia na naftavuju syravinu ŭ adpaviednaści z pahadnieńniem ab paradku arhanizacyi, kiravańnia, funkcyjanavańnia i raźvićcia ahulnych rynkaŭ nafty i naftapraduktaŭ Biełarusi, Kazachstana i Rasii,što było padpisanaje u ramkach stvareńnia Adzinaj ekanamičnaj prastory i praduhledžvaje nieprymianieńnie bakami va ŭzajemnym handli kolkasnych abmiežavańniaŭ i vyvaznych mytnych pošlin, a taksama inšych pošlin, padatkaŭ i zboraŭ, jakija majuć ekvivalentnaje značeńnie.
U adpaviednaści z pratakołam, daččynyja arhanizacyi rasijskich naftavych kampanij majuć prava pierapracoŭki na biełaruskich NPZ štomiesiac u abjomie da 50% nafty, jakaja pastaŭlajecca, u adpaviednaści z hrafikami transparciroŭki.
Pry hetym rasijski bok nie paźniej, čym za 45 dzion da miesiaca pastaŭki nafty infarmuje biełaruski bok abjomach adhruzki pa vidach naftapraduktaŭ u razrezie rynkaŭ zbytu. U svaju čarhu biełaruski bok harantuje, što daččynyja kampanii rasijskich naftavych kampanij atrymajuć svabodnaje rasparadžeńnie vyrablenymi naftapraduktami z ulikam nieabchodnaści zabieśpiačeńnia ŭłasnaj sietki AZS, jakaja znachodzicca na terytoryi Biełarusi. Naftu ŭ Biełaruś pastaŭlajuć AAT «Hazprom nafta», AAT «ŁUKOJŁ», AAT «Rasnafta», AAT «Surhutnieftiehaz» i AAT
Bałans naftavaj syraviny i naftapraduktaŭ sajuznaj dziaržavy Biełarusi i Rasii na 2012 hod całkam zabiaśpiečvaje patreby biełaruskich NPZ, u tym liku praduhledžvaje pastaŭku ŭ Biełaruś 21,5 młn ton rasijskaj nafty trubapravodnym transpartam, što na 3,5 młn ton bolš, čym u 2011 hodzie.
Pastar Hrem na «Čyžoŭka-arenie» paprasiŭ malicca za Łukašenku i Pucina. A sam maliŭsia za Trampa55
Kamientary