Adzinaja sistema ŭliku budzie ŭviedziena va ŭsich bankach.
Kupla valuty nasielnictvam pa pašparcie budzie ŭviedziena ŭ Biełarusi 1 kastryčnika, paviedamiła staršynia praŭleńnia Nacyjanalnaha banka Nadzieja Jermakova.
«Kupla valuty pa pašparcie budzie ŭviedziena z 1 kastryčnika. Prahramnaje zabieśpiačeńnie praktyčna hatova, ale my jaho jašče nie budziem testavać».
Jermakova adznačyła, što adzinaja sistema ŭliku budzie ŭviedziena va ŭsich bankach.
Uviadzieńnie niejkich abmiežavańniaŭ pa kolkaści nabytaj valuty nie płanujecca.
Na naradzie 30 žniŭnia Alaksandr Łukašenka daručyŭ Nacbanku nie paźniej za kastryčnik uvieści elektronnuju sistemu ŭliku kupli valuty pa pašparcie, pa kožnym pakupniku piersanalna, jak heta dziejničaje ŭ mnohich krainach, u tym liku ŭ Rasii.
«Paśla taho jak hetaj valuty nachapajucca, vobrazna kažučy, usie, kamu jana patrebna, kurs umacujecca da raŭnavažnaha. Tak było va ŭsich dziaržavach. I my heta zabiaśpiečym. Resursy dla hetaha jość», — skazaŭ Łukašenka.
Nahadajem, praviła, jakoje pradpisvaje fiksavać pašpartnyja źviestki pry kupli valuty, było ŭviedziena ŭ Biełarusi ŭ 1997 hodzie i dziejničała da lutaha 2006 hoda.
Kamientary