Mižnarodny litaraturny fiestyval projdzie 8 i 9 vieraśnia.
8—9 vieraśnia ŭ Minsku projdzie mižnarodny litaraturny fiestyval “Vialikaje Kniastva Paezii”, pryśviečany 100-hodździu nobieleŭskaha łaŭreata Česłava Miłaša.
Udzieł biaruć paety
Natalla Harbanieŭskaja (Polšča/Francyja/Rasija), Ryšard Krynicki, Jacek Hutaraŭ (Polšča), Eŭhienijus Ališanka, Vitas Dekšnis, Danatas Piatrošus (Litva), Maryjana Kijanoŭskaja, Aleh Łyšeha (Ukraina), Uładzimir Arłoŭ, Ihar Babkoŭ, Maryja Martysievič, Aleś Razanaŭ, Vital Ryžkoŭ, Andrej Chadanovič (Biełaruś).
Padčas fiestyvalu budzie prezientavany čatyrochtomnik tvoraŭ miłaša ŭ pierakładzie na biełaruskuju movu. U čatyrochtomnik uvojduć najvažniejšyja paetyčnyja zborniki Miłaša, a taksama try tamy eseistyki — ad aŭtabijahrafičnaj prozy da fiłasofskich ese.
«Čytajučy Miłaša nikoli nie adčuvaješ dystancyi. — kaža Andrej Chadanovič. — Ja, naprykład, kali čytaju hetyja vieršy, pačynaju adčuvać ich fizijałahična: koler, smak, pach.
Takaja paezija ŭsprymajecca vačyma, vušami — atrymlivajecca sapraŭdnaje pahružeńnie. I kali Miłaš piša pra katastrofy, i kali jon piša pra radaść žyćcia. Nu i biełarusam dakładna buduć blizkija matyvy Miłaša: jon taksama adkryty i talerantny da ŭsiaho novaha. Usio žyćcio jon dbaŭ nie pra Zachodniuju ci Ŭschodniuju Jeŭropu, a pra Jeŭropu „našu“ — voś pra hetuju prastoru ad Rasii da Niamieččyny».
Raskład imprezaŭ
8 vieraśnia, Biełaruskaja dziaržaŭnaja akademija muzyki (18.30):
Adkryćcio vystavy "Česłaŭ Miłaš",
Prezientacyja biełaruskaha čatyrochtomnika Česłava Miłaša: “Vyratavańnie”, “Dalina Isy”, “Rodnaja Jeŭropa” i “Ziamla Ulra”,
Paety-ŭdzielniki fiestyvalu, pierakładčyki miłašaŭskaj paezii i aktory Kupałaŭskaha teatra čytajuć tvory Miłaša na svaich movach,
Prezientacyja aŭdyjoknihi Česłava Miłaša “Čałaviek šmatpaviarchovy”: Andrej Chadanovič i hurt “Racyjanalnaja dyjeta”.
9 vieraśnia, Halereja “Ŭ” (11.00):
Kruhły stoł “Miłaš šmatpaviarchovy” z udziełam paetaŭ, pierakładčykaŭ, intelektuałaŭ ź Biełarusi, Litvy, Polščy i Ukrainy.
9 vieraśnia, Dom kultury vieteranaŭ (19.00):
Paety-ŭdzielniki fiestyvalu čytajuć svaje vieršy. U miežach imprezy: prezientacyi knihi Maryi Martysievič “Ambasada” i Vitala Ryžkova “Dźviery, zamknionyja na klučy”.
Taćciana Biełanohaja śpiavaje svaje pieśni na słovy Česłava Miłaša.
Uvachod na ŭsie imprezy fiestyvalu volny.
Kamientary