Stvorany arhkamitet pa śviatkavańni 20-hodździa niezaležnaści Biełarusi
Demakratyčnyja arhanizacyi Biełarusi stvaryli arhkamitet pa śviatkavańni20-hodździa nadańnia Dekłaracyi ab dziaržaŭnym suvierenitecie Biełarusi statusu kanstytucyjnaha zakona. Pra heta pradstaŭniki demsił paviedamili 27 lipienia napres-kanfierencyi ŭ Minsku.
U skład arhkamiteta ŭvajšli Partyja BNF, ruch «Za Svabodu», arhkamitet pa stvareńni partyi «Biełaruskaja chryścijanskaja demakratyja», mižnarodnaja arhanizacyja «Małady front» (Čechija), arhkamitet ruchu salidarnaści «Razam». Skład arhkamiteta nie kančatkovy, da jaho buduć dałučacca inšyja struktury.
U miežach śviatkavańnia hetych uhodak arhkamitet płanuje pravieści šerah mierapryjemstvaŭ.
Jak paviedamiŭ lidar Partyi BNF Alaksiej Janukievič, 25 žniŭnia ŭ ofisie partyi budzie adkryta vystava, jakaja ładzicca sumiesna z mastackaj supołkaj «Pahonia».
Namieśnik staršyni «Maładoha frontu» Mikałaj Dziemidzienka paviedamiŭ, što taksama 25 žniŭnia pa ŭsioj krainie zapłanavanyja akcyi pamiaci z uskładańniem kvietak da pamiatnych miescaŭ, źviazanych ź niezaležnaściu, vinšavańniem tych, chto mieŭ niepasrednaje dačynieńnie da pryniaćcia dekłaracyi. Taksama, paviedamiŭ jon, płanujecca pravieści konkurs siarod tych, chto naradziŭsia paśla pryniaćcia dekłaracyi ab niezaležnaści. Farmat konkursu pakul udakładniajecca.
Namieśnik staršyni ruchu «Za Svabodu» Juryj Hubarevič paviedamiŭ, što ŭ kancy žniŭnia — pačatku vieraśnia budzie praviedziena kanfierencyja, na jakoj arhanizatary chacieli b «pry dapamozie ekśpiertaŭ adkazać na pytańnie, što dała niezaležnaść ludziam u roznych śfierach».
27 lipienia 1990 hoda Viarchoŭny Saviet BSSR pryniaŭ Dekłaracyju ab dziaržaŭnym suvierenitecie. Jana abviaściła poŭny dziaržaŭny suvierenitet krainy, samastojnaść i paŭnatu dziaržaŭnaj ułady respubliki ŭ miežach jaje terytoryi, pravamoctva jaje zakonaŭ i niezaležnaść u źniešnich adnosinach.
25 žniŭnia 1991 hoda dekłaracyja atrymała status kanstytucyjnaha zakona, na padstavie jakoha byli ŭniesienyja źmieny i dapaŭnieńni ŭ Kanstytucyju BSSR 1978 hoda.
19 vieraśnia 1991 hoda Viarchoŭny Saviet BSSR pryniaŭ zakon ab naźvie respubliki, u adpaviednaści ź jakim jana stała nazyvacca Respublikaj Biełaruś. Była ŭviedziena novaja dziaržaŭnaja simvolika —
Ciapier čytajuć
Pastar Hrem na «Čyžoŭka-arenie» paprasiŭ malicca za Łukašenku i Pucina. A sam maliŭsia za Trampa55
Kamientary