28 červienia prajšli sudovyja sprečki.
Siońnia a 10-j hadzinie u sudzie Leninskaha rajona Hrodna adnaviŭsia praces Andreja Pačobuta.Sudździa admoviŭsia zadavalniać chadajnictvy abarony ab dopycie śviedkaŭ. Paśla vystupu advakataŭ byŭ abvieščany čarhovy pierapynak da 5 lipienia.
Abvinavačanamu zastałosia tolki skazać svajo apošniaje słova.
Prakuror patrabuje pakarać Andreja Pačobuta 3 hadami kałonii.
Praces ciahniecca ad 14 červienia.
A za kratami žurnalist znachodzicca bolš za dva miesiacy.
17 červienia Andreju Pačobutu było nanoŭ vystaŭlena abvinavačańnie. Artykuły nakont abrazy (368–1) i paklopu (367–1) adnosna prezidenta ŭ im zastalisia, tolki bolš jak u dva razy pavialičyŭsia tekst. Pa pieršym ź ich praduhledžana pakarańnie da dvuch hadoŭ źniavoleńnia, pa druhim — ad dvuch da čatyroch hadoŭ. Padstavy prakuratura znajšła ŭ artykułach Pačobuta ŭ «Hazecie vyborčaj», u jahonaj kałoncy na sajcie «Biełaruski partyzan», a taksama ŭ adnym z dopisaŭ u «Žyvym žurnale».
***
Kryminalnaja sprava ŭ dačynieńni da Andreja Pačobuta była zaviedziena 18 sakavika za artykuły ŭ polskaj «Gazeta Wyborcza», na sajcie «Biełorusskij partizan» i ŭ jahonym błohu. 6 krasavika žurnalist byŭ aryštavany.
A.Pačobut śviadoma kinuŭ vyklik KDB. 8 studzienia žurnalistu vypisali aficyjnaje papiaredžańnie pra niedapuščalnaść supraćpraŭnych dziejańniaŭ (udzieł u niesankcyjanavanaj akcyi 19 śniežnia) za podpisam načalnika Upraŭleńnia KDB pa Hrodzienskaj vobłaści Ivana Karža.
Pačobut śćviardžaje, što pry hetym supracoŭniki hrodzienskaha KDB pahražali jamu i niekalki razoŭ ŭdaryli jaho pa hałavie. Jon padaŭ skarhu na dziejańni kadebistaŭ u vajskovuju prakuraturu. Vynikam nastojlivaści žurnalista stała sieryja pravierak i miedyčnych ekśpiertyz.
Choć prakuratura nie pabačyła parušeńniaŭ u dziejańniach KDB, ale kamitetčykam pryjšłosia adkazvać na niepryjemnyja pytańni, a taksama «zaśviacić» svaje imiony ŭ presie.
Adnačasova z žurnalistykaj, Andrej Pačobut zajmajecca i hramadskaj dziejnaściu: jon adzin ź lidaraŭ Sajuza palakaŭ. Pa adukacyi ž Pačobut — juryst, a taksama zajmajecca vyvučeńniem polskaha antysavieckaha ruchu ŭ Zachodniaj Biełarusi.
«Alaksandr Ryhoravič, darahi ty moj paciarpieły, za svaje słovy i ŭčynki ja hatovy adkazvać, što zaviecca, pa ŭsioj strohaści. Jak havorycca, „my za canoj nie pastaim“.
Spadziajusia, što pryjdzie čas i pa ŭsioj strohaści pryjdziecca adkazać za toje, što adbyvajecca ŭ Biełarusi apošnija 16 hadoŭ, i byłomu prezidentu Respubliki Biełaruś Łukašenka A. R.»,
— publicystyčna pisaŭ A.Pačobut.
Pastar Hrem na «Čyžoŭka-arenie» paprasiŭ malicca za Łukašenku i Pucina. A sam maliŭsia za Trampa55
Kamientary