Sačycie za rukami — 12%-ny kalidor vahańniaŭ košyka valut nibyta zastajecca nieparušnym. Ale ciapier adličvajecca nie ad 31 śniežnia, a ad 24 maja.
Nacbank narešcie razradziŭsia pres-relizam, u jakim rastłumačyŭ pryčyny i nastupstvy siońniašniaj devalvacyi.
Kurs valuty ŭ abmieńnikach budzie vystaŭlacca na ŭzroŭni "plus/minus 2%" ad aficyjnaha kursa. Značycca, dalary buduć pradavacca (i kuplacca) zaŭtra pa 5 028 rubloŭ.
Praz zanižany kurs valuta ŭ abmieńnikach ŭsio adno nie źjaviacca.
12%-ny kalidor vahańniaŭ košyka valut zastajecca nibyta nieparušnym. Ale ciapier adličvajecca nie ad 31 śniežnia, a ad 24 maja.
Narešcie, birža pracuje pa-raniejšamu, z pryjarytetam na prodaž valuty imparcioram miedykamientaŭ i pastaŭščykam haza.
Poŭny tekst pres-reliza:
Pra ŭstalavańnie abmiennych kursaŭ biełaruskaha rubla
Z metaj vychadu na adziny raŭnavažny kurs biełaruskaha rubla na ŭsich siehmientach unutranaha valutnaha rynka Upraŭleńniem Nacyjanalnaha banka pryniata rašeńnie ŭstalavać z 24 maja 2011 h. aficyjny kurs biełaruskaha rubla ŭ adnosinach da dalara ZŠA – 4930 biełaruskich rubloŭ za 1 dalar ZŠA, aficyjny kurs biełaruskaha rubla ŭ adnosinach da jeŭra – 6914,82 biełaruskaha rubla za 1 jeŭra, aficyjny kurs biełaruskaha rubla ŭ adnosinach da rasijskaha rubla – 173,95 biełaruskaha rubla za 1 rasijski rubiel, u adnosinach da inšych zamiežnych valut – zychodziačy z kros-kursaŭ hetych zamiežnych valut da dalara ZŠA (pastanova ad 23.05.2011 № 188).
Adnačasova ŭstaloŭvajecca centralnaje značeńnie rublovaha koštu košyka zamiežnych valut, roŭnaje 1810 biełaruskich rubloŭ. Miežy dapuščalnych vahańniaŭ zachoŭvajucca na ŭzroŭni ±12% adnosna ŭstalavanaha centralnaha značeńnia.
Novaje centralnaje značeńnie rublovaha koštu košyka adpaviadaje biahučym ekanamičnym umovam, čakańniam bolšaści ŭdzielnikaŭ rynka i źjaŭlajecca elemientam realizujemaj Uradam i Nacyjanalnym bankam makraekanamičnaj karektoŭki, nakiravanaj na vyraŭnivańnie vonkavych dysbałansaŭ i stabilizacyju pracy ŭnutranaha valutnaha rynka.
Na praciahu apošniaha času kursy, pa jakich ździajśnialisia apieracyi pa kupli-prodažu na pazabiržavym rynku, znachodzilisia ŭ šyrokim dyjapazonie, a ŭhody nasili adrasny charaktar, što značna źmianšała efiektyŭnaść i prazrystaść miechanizmu kursaŭtvareńnia i nie dazvalała ŭdzielnikam rynka prymać adekvatnyja rašeńni.
Ustalavańnie koštu košyka na dadzienym uzroŭni zabiaśpiečvaje źnižeńnie kursu biełaruskaha rubla da dalara ZŠA da ŭzroŭnia siaredniaŭzvažanaha kursu, pa jakim u apošni čas ździajśnialisia apieracyi na pazabiržavym rynku (u pieryjad z 16 pa 18 traŭnia 2011 h. siaredniaŭzvažany kurs biełaruskaha rubla da dalara ZŠA znachodziŭsia ŭ dyjapazonie ad 4598,36 da 5683,46 biełaruskich rubloŭ za dalar ZŠA), što pavinna zabiaśpiečyć źnižeńnie śpiekulatyŭnych matyvaŭ udzielnikaŭ rynka i abmiežavać dalejšaje pasłableńnie kursu biełaruskaha rubla.
U metach vyraŭnivańnia ŭmoŭ ździajśnieńnia apieracyj kupli-prodažy zamiežnaj valuty na roznych siehmientach valutnaha rynka, a taksama pamianšeńnia mahčymaściaŭ dla praviadzieńnia śpiekulatyŭnych apieracyj asobnymi ŭdzielnikami rynka, ustaloŭvajucca limitavyja značeńni abmiennych kursaŭ, pa jakich mohuć ažyćciaŭlacca kupla-prodaž i kanviersija zamiežnaj valuty na pazabiržavym rynku i rynku najaŭnaj zamiežnaj valuty. Z 24 maja 2011 h. jany nie mohuć adroźnivacca bolš za na 2% u toj ci inšy bok ad aficyjnaha kursu biełaruskaha rubla, ustalavanaha Nacyjanalnym bankam (pry kanviersii – ad kros-kursu, raźličanaha na asnovie aficyjnych kursaŭ biełaruskaha rubla da adpaviednych valut).
Paradak praviadzieńnia handlu na AAT "Biełaruskaja valutna-fondavaja birža" zastajecca bieź źmien, h.zn. pryjarytetnaść zadavalnieńnia zajavak na kuplu zamiežnaj valuty, ustalavanaja pastanovaj Upraŭleńnia Nacyjanalnaha banka Respubliki Biełaruś ad 22 sakavika 2011 h. № 89, zachoŭvajecca.
Padtrymańniu ŭstojlivaści biełaruskaha rubla buduć spryjać dalejšyja kroki Urady i Nacyjanalnaha banka, nakiravanyja na dasiahnieńnie makraekanamičnaj zbałansavanaści ŭ krainie.
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary