Pucin paabiacaŭ Miaśnikoviču subsidyi za košt biazmytnych pastavak nafty. Rasija znoŭ zajaviła pra svaju hatoŭnaść kredytavać biełaruskuju AES.
Biełaruś atrymaje ad Rasii subsidyi ŭ abjomie 4,124 młrd dalaraŭ za košt biazmytnych pastavak nafty, zajaviŭ u čaćvier žurnalistam kiraŭnik rasijskaha ŭrada Uładzimir Pucin pa vynikach pieramovaŭ sa svaim biełaruskim kaleham Michaiłam Miaśnikovičam.
«Budziem imknucca da taho, kab abjom subsidyjavańnia biełaruskaj ekanomiki ŭ naftavym siektary składaŭ sumu, nie mienšuju za tuju, jakuju Biełaruś atrymlivała ŭ 2007–2009, da ŭviadzieńnia vyvaznych mytaŭ na naftu (pry pastaŭkach z Rasii ŭ Biełaruś — red.). Hetaja suma składaje 4,124 miljarda dalaraŭ ZŠA. Jość peŭnyja pytańni z raźlikami, ale my paćvierdzili svaju pazicyju», — skazaŭ Pucin.
U svaju čarhu, Miaśnikovič paabiacaŭ budavać AES pa rasijskich technałohijach. Rasija znoŭ zajaviła pra svaju hatoŭnaść kredytavać biełaruskuju AES. Bazavaje pahadnieńnie ab umovach budaŭnictva AES miarkujecca padpisać u pieršym kvartale. Kankretnyja ceny i miechanizmy cenaŭtvareńnia nie ahučvalisia.
Ciapier čytajuć
Žančyny ŭ achovie i braniavany kartež. Jak Ukraina arhanizavała biaśpieku vizitu Cichanoŭskaj u Kijeŭ12
Kamientary