Vosień hnie na svoj kapył: chaładeča, daždžy. Paŭnočnaje paŭšarje sprabuje ciešycca apošnimi pahodnymi dziańkami - hetymi dniami na volnym pavietry pa ŭsioj płaniecie štodzień ładziacca raznastajnyja mastackija imprezy. Prapanujem vašaj uvazie samyja cikavyja kulturnyja mierapryjemstvy pad adkrytym niebam.
1. Hałandyja: Čempijanat pa žyvych statujach
Moža, zima jašče nie nastała, ale na vułkach niderłandskaha horadu Arnhiejm ludzi biez daj pryčyny zastyvajuć na vulicy. Jakaja pryčyna? To pieršynstvo śvietu pa žyvych statujach. Čempijanat, jaki pačaŭsia ŭ 2005 jak miascovy turnir, sioleta pryciahnuŭ tysiačy turystaŭ i dziasiatki ŭdzielnikaŭ z usiaho śvietu. Na vulicach horadu za niekalki siekund uźnikali skulptury, składzienyja z žyvych ludziej. Tut hałoŭnaje - nie varušycca. A žury chto? Hledačy, jaki pilnujuć kožny zruch udzielnikaŭ. Niderłandcy nie dastali pieršaha miesca ŭ čempijanacie śvietu pa futbole, dy ciapier sprabujuć być kali nie samymi sprytnymi, dyk prynamsi samymi statyčnymi. Kali vam sapraŭdy cikava, chto pieramoh, dyk heta miascovy padletak Kievin Harčynski. Užo druhi hod zapar doŭha trymaŭsia junak u toj pozie.
2. Rasija: «Dysnejłend" u Sibiry
U našaj uschodniaj susiedki taksama śviata na volnym pavietry. U Krasnajarsku pabudavali navat nie dom na piasku, a ceły horad. Usio ad pavahi da Dysneja i jaho piersanažaŭ. Navat, jak bačycie, podźvih karybskich pirataŭ uviekaviečyli… prynamsi, na dzień-dva.
3. Ništo nie viečna pad turkmienskim Miesiacam
Pakul u Sibiry budujuć skulptury ź piasku, u Turkmienistanie rujnujuć bietonnyja. Reč u tym, što pa zahadzie ciapierašnich ułady ŭ hetaj siarednieazijackaj krainie demantujuć pazałočanuju statuju ŭsieturkmienskaha baćki. Koliś pastamient razam z pomnikam uznosiŭsia na vyšyniu 75 mietraŭ. Ciapier, praz čatyry hady pa śmierci byłoha kiraŭnika krainy Saparmurata Nijazava, pomnik amal zraŭnali ź ziamloju. I ŭsio adno jość na što pahladzieć.
4. Minščyna: NAVINKI-2010
Pierfomans – mastactva na styku teatra, žyvapisu, paezii i skulpturnaha mastactva. Pavodle tradycyi apošni vystup pierfomieraŭ hledačy ŭbačyli na ŭłońni pryrody la Viačy.
5. ZŠA: Skulptura z vałunoŭ
Kali vam bolš nie chočacca palityčnych uzrušeńniaŭ i zbytkoŭnaha hudu kiniematahrfičnych brendaŭ, zaprašajem vas na plaž Mošap u štacie Masačusets. Kamiennaja skulptura ŭ zachodzie sonca jak nijakaja inšaja zanuryć vas u ramantyčnuju atmaśfieru leta, jakoje sychodzić.
Kamientary