Biełaruskaja partyja «Zialonyja» pravodzić kampaniju «Viełasipied u horadzie»
Kampanija skiravana na papularyzacyju viełasipieda jak zručnaha i ekałahična čystaha haradskoha transpartu, a taksama na pašyreńnie kolkaści viełasipiedystaŭ u biełaruskich haradach.Hałoŭnaja ž zadača kampanii — pryciahnuć uvahu ŭładaŭ da prablemy raźvićcia viełasipiednaj infrastruktury, pierš za ŭsio da adsutnaści viełasipiednych stajanak.
Pavodle słoŭ staršyni partyi «Zialonyja» Aleha Novikava, u miežach kampanii 7 žniŭnia ŭžo prajšoŭ viełaprabieh u Žodzina. Praviadzieńnie viełaprabiehaŭ płanujecca i ŭ inšych haradach Biełarusi. «Praduhledžana taksama arhanizacyja kancertaŭ i flešmobaŭ, jakija prapahandujuć ekałahičny transpart, padača ŭ miascovyja administracyi pietycyj z prośbaj źviarnuć uvahu na prablemu viełasipiednych stajanak», — skazaŭ lider BPZ.
Udzielniki kampanii padkreślivajuć značnaść ekałahičnaha transpartu va ŭmovach klimatyčnych źmienaŭ, niepasrednym nastupstvam jakich źjaŭlajecca ciapierašniaja śpioka, adznačyŭ Novikaŭ.
«Za 2008 hod tolki na terytoryi Biełarusi transpartnymi srodkami, jakija vykarystoŭvajuć naftavaje paliva, było vykinuta ŭ pavietra 1.200,6 tony zabrudnialnych rečyvaŭ. Hetaja ličba pieravysiła ŭzrovień 2007 hoda na 77,3 tysiačy ton, pry hetym pavieličeńnie parka miechaničnych transpartnych srodkaŭ za hety termin skłała tolki 4,1%. Takaja tendencyja naściarožvaje mnohich biełaruskich hramadzian, jakija ŭsio bolš upeŭnivajucca ŭ zručnaści karystańnia viełasipiedam dla mabilnaha ruchu ŭ horadzie», — skazaŭ Aleh Novikaŭ.
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju1010
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju10
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary