Sinoptyki papiaredžvajuć.
Sinoptyki papiaredžvajuć, što ŭ najbližejšyja sutki (niadziela) ŭ šerahu rehijonaŭ Biełarusi čakajucca składanyja ŭmovy nadvorja.
Jak paviedamlaje Respublikanski hidramieteacentr, užo ŭ druhoj pałovie dnia 7 žniŭnia ŭ Bresckaj i Hrodzienskaj abłaściach čakajucca navalnicy i škvalistaje ŭzmacnieńnie vietru da 15—20 mietraŭ za siekundu.
Nočču 8 žniŭnia ŭ Bresckaj i Hrodzienskaj abłaściach, a dniom pa zachodniaj pałovie krainy čakajucca navalnicy sa škvalistym uzmacnieńniem vietru da 15—22 m/s (dniom miescami da 24 m/s), u asobnych rajonach mocnych liŭni,
u dzionnyja hadziny hrad.
Tempieratura pavietra dniom na bolšaj častcy Biełarusi dasiahnie plus 30 hradusaŭ, pa ŭschodniaj pałovie da 35—39 hradusaŭ.
U Minskaj vobłaści navalnicy i mocny viecier paryvami da 22—24 m/s čakajucca dniom 8 žniŭnia. U asobnych rajonach prahnazujucca mocnyja liŭni i hrad.
Tempieratura pavietra na bolšaj častcy vobłaści dasiahnie 30—34 hradusaŭ, pa ŭschodzie pavietra prahrejecca da 35—36 hradusaŭ. U Minsku ŭ dzionnyja hadziny tempieratura dasiahnie 32—34 hradusaŭ.
Navalnica ŭ stalicy ŭ niadzielu prahnazujecca bližej da viečara.Pa horadzie taksama čakajecca škvalistaje ŭzmacnieńnie vietru da 15—22 m/s, miescami mocnyja liŭni i hrad.
Ciapier čytajuć
Pastar Hrem na «Čyžoŭka-arenie» paprasiŭ malicca za Łukašenku i Pucina. A sam maliŭsia za Trampa55
Kamientary