U niadzielu taksama vyznačyŭsia čempijon Ispanii pa futbole. Honku miž «Barsiełonaj» i madrydskim «Reałam», što tryvała litaralna ad pieršaha turu, vyjhrała «Barsa».
Pierad apošnim turam katałoncy apiaredžvali karaleŭski kłub na adzin punkt, i ŭ apošnim tury im treba było zhulać nie horaj za «Reał».
«Barsiełona» vyjhrała ŭ «Valjadalida» 4:0 (Łuis Pryjeta – aŭtahoł, Piedra, 31, Miesi, 62, 76). A voś «Reał» zhulaŭ uničyju z «Małahaj» – 1:1.
«Barsa» nabrała rekordnuju kolkaść bałaŭ – 99 ŭ 38 turach (31 pieramoha, 6 ničyich i adna paraza). Prykładam, toj ža «Inter» – čempijon Italii – nabraŭ u 38 turach 82 bały, a «Čełsi» ŭ 38 turach 86 bałaŭ.
Takim čynam «Barsiełona» stała 20-cirazovym čempijonam Ispanii. Braŭ kłub zołata i letaś. U «Reała» - 31 tytuł.
Srebra sioleta zavajavaŭ «Reał» (96 bałaŭ), praŭda, karaleŭski kłub zabiŭ ažno 102 miačy (u katałoncaŭ – 98).
Bronzavyja miedali zavajavała «Valensija» (71 bał), kudy svatajuć u jakaści bonusa ŭ novym siezonie Alaksandra Hleba.
Najlepšym bambardziram staŭ Lijaniel Miesi («Barsiełona») – 34 miačy. U Ihuaina – 27, Kryšcianu Ranałdu – 26 (abodva – «Reał»).
Pakidajuć vyšejšy ispanski dyvizijon «Tenieryfie», «Valjadalid» i kłub ź miłaj uschodniesłavianskamu vuchu nazvaj «Chieras».
-
Narviehija admoviłasia prymać mižnarodnyja turniry pa vodnych vidach sportu, pratestujučy suprać biełarusaŭ i rasijan sa ściahami
-
Treniera zbornaj Biełarusi mohuć pryznać najlepšym u śviecie
-
Na čempijanacie Jeŭropy biełaruski barec daŭ poŭchu tytułavanamu turku za jaho nachabstva. Heta ledź nie kaštavała našamu miedala
Tamara Vińnikava pradała svoj łondanski dom, zaviešany karcinami samoj siabie ŠMAT FOTA23
Kamientary