Alimpijskaja čempijonka Hanna Huśkova i jašče piaciora atletaŭ atrymali status niejtralnych spartoŭcaŭ
Mižnarodnaja fiederacyja łyžnaha sportu i snaŭbordu (FIS) apublikavała śpis pieršych dzieviaci spartsmienaŭ ź Biełarusi i Rasii, jakim prysvojeny status indyvidualnaha niejtralnaha atleta (AIN), piša BiełTA.

Niejtralnyja statusy atrymali biełaruskija frystajlisty Hanna Huśkova, Hanna Dziaruha, Anastasija Andryjanava, Ihar Drabiankoŭ i Uładzisłaŭ Vaźniuk, a taksama harnałyžnica Maryja Škanava. Akramia taho, u śpis uvajšli troje rasijskich spartoŭcaŭ.
Nazvanyja atlety zmohuć pryniać udzieł u kvalifikacyjnych spabornictvach da Alimpijskich hulniaŭ 2026 hoda ŭ Italii. Na praciahu bližejšych dzion i tydniaŭ pa miery praviadzieńnia dadatkovych pravierak adpaviednaści patrabavańniam FIS buduć publikavacca abnoŭlenyja viersii śpisu niejtralnych atletaŭ.
Nastupnyja etapy Kubka śvietu pa łyžnaj akrabatycy projduć u kitajskim Čžancziakoŭ (20 śniežnia), kanadskim Łak-Bopary (6—7 studzienia) i amierykanskich Lejk-Płesidzie (11.01) i Dziŭ-Veli (18.01).
Da Alimpijskich hulniaŭ spabornictvy pa słałamie ŭ harnałyžnic prymuć francuzski Kuršaviel (16 śniežnia), aŭstryjski Ziemierynh (28.12), słavienskaja Krańska Hora (4 studzienia), aŭstryjski Fłachau (13.01) i češski Špindleruv Młyn (25.01)
-
Śpiecpasłańnik Trampa prapanavaŭ FIFA zamianić zbornuju Irana na čempijanacie śvietu jeŭrapiejskaj kamandaj. Ideja pa-valuntaryscku dziŭnaja
-
Narviehija admoviłasia prymać mižnarodnyja turniry pa vodnych vidach sportu, pratestujučy suprać biełarusaŭ i rasijan sa ściahami
-
Treniera zbornaj Biełarusi mohuć pryznać najlepšym u śviecie
Ciapier čytajuć
Ci patrebnaja biełaruskaja mova tym, chto razmaŭlaje pa-rusku? Azaronak zadaŭsia takim pytańniem na STB, a vypusknik Akademii MUS prapanavaŭ zamianić uroki fakultatyvami
Kamientary