Premjer-ministr Izraila Bińjamin Nietańjachu daručyŭ svajoj armii nieadkładna nanieści ŭdary pa siektaru Haza paśla abvinavačańnia hrupoŭki CHAMAS u parušeńni pieramirja i ŭviadzieńni ŭ zman adnosna viartańnia ciełaŭ zakładnikaŭ. U aficyjnaj zajavie kancylaryi izrailskaha premjera havorycca, što paśla kansultacyj u halinie biaśpieki pryniata rašeńnie pra «mahutnyja ŭdary», piša Bi-bi-si.
Izrail śćviardžaje, što CHAMAS zamiest ciełaŭ pieradaŭ častki pareštak, jakija ŭžo raniej byli viernutyja Izrailu. Sudova-miedycynskaja ekśpiertyza ŭstanaviła, što hetyja pareštki naležać Afiru Carfaty, vykradzienamu z muzyčnaha fiestyvalu Nova, cieła jakoha znajšli izrailskija vajskoŭcy ŭ 2023 hodzie, a nie kamu-niebudź z 13 zahinułych zakładnikaŭ, cieły jakich usio jašče znachodziacca ŭ Hazie, paviedamiŭ ofis Nietańjachu).
Pavodle paviedamleńnia pres-słužby izrailskaha premjera, z 16 pieradadzienych častak pareštkaŭ try ŭžo identyfikavanyja, adno cieła nie naležyć zahinułamu zakładniku. Urad ličyć heta vidavočnym parušeńniem pahadnieńnia ab pieramirji, jakoje ŭstupiła ŭ siłu 10 kastryčnika pry pasiarednictvie ZŠA.
Izrailskija vojski taksama apublikavali videakadry, na jakich, pavodle ich słoŭ, bačna, jak bajeviki pieranosiać i chavajuć pareštki, a zatym vyklikajuć pradstaŭnikoŭ Čyrvonaha Kryža i situacyju inscenirujuć. Arhanizacyja «Forum siemjaŭ zakładnikaŭ i źnikłych bieź viestak» prasiła ŭrad i pasiarednikaŭ nie pierachodzić da nastupnaha etapu pahadnieńnia, pakul CHAMAS nie vykanaje ŭsich abaviazkaŭ.
U toj ža čas CHAMAS abviarhaje śćviardžeńni, kažučy, što nie viedaje miescaznachodžańnia ŭsich pareštkaŭ: praź izrailskija bambardziroŭki mnohija miescy byli źniščanyja, ludzi, što chavali cieły, zahinuli abo nie pamiatajuć łakalizacyi pachavańniaŭ. Raniej CHAMAS užo pieradaŭ 20 žyvych zakładnikaŭ u adpaviednaści z pahadnieńniem.
Izrail dazvoliŭ pradstaŭniku CHAMAS, Čyrvonamu Kryžu i jehipieckim śpiecyjalistam uvajści za «žoŭtuju liniju» CACHAŁ u Hazie pad nahladam vojskaŭ, kab šukać pareštki zahinułych; dla hetaha pryvieźli dadatkova techniku (ekskavatary, traktary).
Reakcyja izrailskich palitykaŭ — vostraja: ultrapravyja ministry nacyjanalnaj biaśpieki i finansaŭ Itamar Ben-Hvir i Biecałel Smotryč zaklikali da bolš žorstkich dziejańniaŭ suprać CHAMAS i da paŭtornych aryštaŭ tych, kaho vyzvalili ŭ ramkach papiarednich abmienaŭ.
Ciapier čytajuć
Addanaha jabaćku, jaki abražaŭ Śviatłanu Cichanoŭskuju ŭ Threads, kinuli za kraty7
Kamientary
a padstava znojdziecca.
Cikava, što skaža harant.