Pieramovy adnosna pastavak zbroi dla Ukrainy ciapier pad pahrozaj.
Ukrainska-amierykanskija pieramovy ab pastaŭkach zbroi mohuć być zamarožanyja z-za šatdauna ŭrada ZŠA, paviedamlaje RBK-Ukraina sa spasyłkaj na The Telegraph.
Pavodle źviestak vydańnia, pieramovy pamiž Ukrainaj i ZŠA ab vajennaj dapamozie i supracoŭnictvie ŭ śfiery dronaŭ byli prypynienyja paśla taho, jak sotni tysiač fiederalnych słužboŭcaŭ byli adpraŭlenyja ŭ vymušany adpačynak. Z-za hetaha pieramovy adnosna pastavak zbroi dla Ukrainy ciapier pad pahrozaj.
Akramia taho, inšyja ŭkrainskija delehacyi, jakija ŭ najbližejšyja tydni pavinny byli prybyć u Bieły dom pa inšych pytańniach, ciapier «pierahladajuć svaje płany».
Heta, u pryvatnaści, tyčycca delehacyi, jakaja viała pieramovy z Vašynhtonam ab vialikaj «dronavaj uhodzie», pavodle jakoj Ukraina płanuje pradavać ZŠA ŭłasnyja bieśpiłotniki.
1 kastryčnika fiederalny ŭrad ZŠA častkova prypyniŭ svaju pracu. U krainie adbyŭsia šatdaun z-za taho, što respublikancy i demakraty nie dasiahnuli pahadnieńnia adnosna biudžetnych vydatkaŭ.
Pavodle acenak ekanamičnych daradcaŭ prezidenta ZŠA Donalda Trampa, kraina moža hublać 15 młrd dalaraŭ štotydzień.
Kamientary