16‑hadovaja śpiavačka Justyna Karpiłovič vypuściła svoj druhi biełaruskamoŭny albom — u zapisie ŭdzielničała amal usia siamja
Biełaruskaja śpiavačka Justyna Karpiłovič u svaje 16 hadoŭ vypuściła druhi aŭtarski albom, na biełaruskaj movie. U zapisie 14 trekaŭ alboma pad nazvaj «Letapis» paŭdzielničali členy siamji Justyny, a taksama jaje siabry. Usio heta — 14 roznych žyćciovych historyj z roznych pieryjadaŭ žyćcia dziaŭčyny, u jakich słuchačy mohuć paznać siabie.
Maci Justyny Taćciana Karpiłovič syhrała dla alboma na bajanie, brat Hierald Bartosik — na kalimbie, flejcie i bubnie.
«Albom byŭ padtrymany Kłubam biełaruskich miecenataŭ i dziakujučy im jon mieŭ mahčymaść źjavicca na śviet. Ale sama ideja pryjšła minułym letam, kali maja maci zadała vielmi łahičnaje, ale davoli nieadnaznačnaje pytańnie: a čamu b nam nie zapisać novy albom? Moj pieršy dośvied byŭ zusim inšy, i ja nie viedała, jakim čynam mahu ŭziacca za novuju pracu. Ale ŭziałasia — i praz pamyłki i ślozy, radaść i siabroŭstva, luboŭ i ciarpieńnie dabrałasia da hetaha momantu.
Maja meta hučała tak: abjadnać pamiž saboj roznyja matyvy i kantrasty, jakija jość u našym žyćci, a razam z tym dać słuchačam mahčymaść samim vybirać — što z hetaha ŭziać da svajoj dušy. Unutry vy znojdziecie šmat — ad kachańnia da nianaviści, ad śmierci da žyćcia, ad niavoli da svabody, ad strachu da śmiełaści, ad adčaju da ščaścia. I ciapier ja zaprašaju vas u padarožža da zakutkoŭ vašaha ŭłasnaha serca i spadziajusia, što chacia b adna nota vam adhukniecca i chacia b adzin adkaz na samyja balučyja pytańni budzie narešcie znojdzieny», — raspaviała Jucia.
Akramia aŭtarskich tekstaŭ, u albomie hučać pieśni na vieršy Taćciany Sapač, Anchieły Eśpinosy Ruis, Antaniny Chatenka, a taksama paeta pad psieŭdanimam Tadevuš Karaś. Vakał Justyny — vielmi vysoki i nadryŭny, a viadučaja partyja jaje hitary stvaraje atmaśfieru viačorak u vohnišča.
-
«Dačka dabjecca, kab nichto nie zabaraniaŭ śpiavać jaho pieśni». Adzinaja dačka Aleha Moŭčana biezvynikova zmahajecca ź jaho ŭdavoj za «Malitvu»
-
Paśla patryjatyčnaha paryvu biełarusaŭ u fiłarmonii ŭdava kampazitara Moŭčana zabaraniła ŭsim vykonvać «Malitvu» Janki Kupały
-
Pašynian stvaraje muzyčny hurt
Ciapier čytajuć
Dzieci źlizvali z brudnaj padłohi pralitaje małako. Jakoj pabačyŭ zamiežnik Biełaruś, spustošanuju rasijskimi i šviedskimi vojskami ŭ čas Paŭnočnaj vajny1111
Kamientary