Pamior ukrainski mastak burackaha pachodžańnia, što stvaryŭ kultavyja multfilmy «Vostraŭ skarbaŭ» i «Pryhody kapitana Urunhiela»
Viadomy ŭkrainski mastak-pastanoŭščyk animacyi burackaha pachodžańnia Radna Sachałtujeŭ pajšoŭ z žyćcia. Jamu było 90 hadoŭ, piša UNIAN.
Pra śmierć Sachałtujeva, jakaja adbyłasia ŭčora, 31 žniŭnia, paviedamiŭ kinatearetyk Siarhiej Trymbač na svajoj staroncy ŭ Facebook.
«Radna Sachałtujeŭ dakładna mieŭ kryły. Ź ich dapamohaj jon uznosiŭsia nad śvietam budzionnaści i šeraści, imi ŭznaharodžvaŭ usich nas jaskravym daram bačyć samich siabie ŭ śmiechavym pazityvie. Skončyłasia leta — i skončyŭsia lik dzion Radny. Byvajcie, darahi, malujcie novyja śviety i dašlecie ich nam niejkim čynam», — napisaŭ mužčyna, ale nie paznačyŭ pryčynu śmierci.
Radna Filipavič naradziŭsia va Ułan-Ude ŭ siamji słužboŭcaŭ. U 1960-ch hadach pracavaŭ u Kijevie na studyi «Kijeŭnavukfilm». Mienavita tam jon razam z Davidam Čarkasskim stvaraŭ animacyju i staŭ adnym ź viadučych mastakoŭ ukrainskaha satyryčna-humarystyčnaha časopisa «Pierac».
Paźniej braŭ udzieł u ilustravańni dziciačaha časopisa «Paznajka», a taksama ilustravaŭ knihi vydaviectvaŭ «Viasiołka», «Moładź», «Ranak», «Folia» i mnohich inšych.
Što da animacyjnych rabot, to najbolš paśpiachovymi dla Sachałtujeva byli «Pryhody kapitana Urunhiela», dvuchsieryjny multfilm «Vostraŭ skarbaŭ» i «Jak kazaki ŭ chakiej hulali».
Kamientary
Nu, što praŭda, hetyja mulciaki inšaha farmatu byli. Padobna, što j technika malunkaŭ tam inšaja.