Rasijski žurnalist Pavieł Šaramiet 8 krasavika dapytany daznavalnikami UUS padmaskoŭnaha horada Daŭhaprudny pa zapycie MUS Biełarusi.
Jak paviedamiŭ Šaramiet, dopyt prajšoŭ u ramkach raspačataj Homielskim UUS kryminalnaj spravy ab paklopie ŭ dačynieńni da byłoha načalnika ŭpraŭleńnia KDB pa Homielskaj vobłaści Ivana Karža, jaki ciapier zajmaje pasadu načalnika UKDB pa Hrodzienskaj vobłaści. Pavodle jaho słoŭ, jon byŭ dapytany ŭ jakaści śviedki. Dopyt doŭžyŭsia kala dźviuch hadzin.
«Hałoŭnym čynam dopyt składaŭsia z čatyroch błokaŭ.
Pieršy tyčyŭsia sajta «Biełaruski partyzan»: jak jon funkcyjanuje, chto jaho redahuje, chto vystaŭlaje materyjały na sajt i hetak dalej.
Ja rastłumačyŭ, što heta adkryty resurs i mnohija byłyja žychary Biełarusi, jakija pierajechali ŭ Rasiju, Jeŭropu ci ZŠA, mohuć vystaŭlać najbolej cikavyja naviny, i ŭ bolšaści vypadkaŭ ja nie viedaju, chto kankretna vystaviŭ tuju ci inšuju navinu. Ja tolki ŭvažliva saču, kab na sajcie nie źjaŭlalisia artykuły ekstremisckaha źmiestu i biaźlitasna ich vydalaju», — skazaŭ Šaramiet.
Druhi błok tyčyŭsia funkcyjanavańnia sajta charter97.org.
«Tut ja rastłumačyć ničoha nie zmoh, pakolki ničoha pra jaho nie viedaju.
Treci błok tyčyŭsia adnaho artykuła, raźmieščanaha na sajcie «Biełaruski partyzan», — intervju biełaruskaha milicyjaniera Viačasłava Dudkina, jaki pierajechaŭ u Rasiju, pad zahałoŭkam «Viačasłaŭ Dudkin: Mianie b zabili, kali b ja nie źjechaŭ».
I čaćviorty błok pytańniaŭ tyčyŭsia samoha Dudkina: ci sustrakaŭsia ja ź im, ci viedaju, dzie jon žyvie, jak ź im źviazacca. Na žal, Dudkina apošni raz ja bačyŭ u listapadzie 2009 hoda, i suviaź u nas adnabakovaja — praz elektronnuju poštu», — skazaŭ Šaramiet.
Jak adznačyŭ žurnalist, na ŭsie pytańni jon daŭ vyčarpalnyja adkazy. «U ramkach hetaha zapytu ja adkazaŭ na ŭsio. Daznavalniki nie papiaredžvali mianie ab tym, što ja mahu być vyklikany kudy‑niebudź jašče raz. Vidać, na paŭtorny dopyt, kali taki budzie, znoŭ patrebien budzie zapyt MUS Biełarusi», — adznačyŭ Šaramiet.
Ciapier čytajuć
Tamara Vińnikava pradała svoj łondanski dom, zaviešany karcinami samoj siabie ŠMAT FOTA18
Kamientary