«400 zorak u p***u». Machlary naduryli školnikaŭ, pradajučy im niapravilnyja adkazy da CT i CE
29 maja 2025 hoda ŭ Biełarusi prachodzili vypusknyja ekzamieny: centralizavany ekzamien (CE) i centralizavanaje teściravańnie (CT) pa ruskaj i biełaruskaj movach. U hety ž dzień u telehramie źjaviŭsia ananimny kanał, dzie prapanoŭvali kupić nibyta «źlityja» adkazy na testy z RIKZ (Respublikanskaha instytuta kantrolu viedaŭ), raskazvaje «Lusterka».
Kanał pad nazvaj «11 KŁASS RB OTVIETY CE CT» pačaŭ svaju dziejnaść jašče ŭ krasaviku i spačatku publikavaŭ materyjały dla padrychtoŭki. Ale z 26 maja jon pačaŭ vykładać «adkazy» na testy pa matematycy i anhlijskaj movie, śćviardžajučy, što atrymaŭ ich niepasredna z RIKZ. Kab vyhladać pierakanaŭča, aŭtar vykłaŭ nibyta vodhuki tych, chto skarystaŭsia ź jahonaj dapamohi i zmoh paśpiachova zdać ekzamieny.
29 maja jon pačaŭ pradavać «adkazy» za telehram-zorki (unutranaja valuta miesiendžara): 299 — za zadańni pa ruskaj movie, 399 — za adkazy pa ruskaj, i 449 — za adkazy pa biełaruskaj. U pieraliku na hrošy heta kala 25—45 biełaruskich rubloŭ (8—14 dołaraŭ ZŠA).
Adna z pakupnic raskazała žurnalistam, što nabyła adkazy ź cikavaści. Pa matematycy jany supadali (ale byli ŭ adkrytym dostupie ŭžo paśla ispytu), a voś pa ruskaj movie — byli niesapraŭdnyja.
U čatach abituryjenty taksama zaŭvažyli, što mnohija adkazy nie adpaviadali realnym zadańniam. Naprykład, dzie treba było napisać ličbu — u «adkazach» było słova «cymbały».
Školniki byli aburanyja, pisali ŭ čatach, što ich padmanuli, i vykarystoŭvali rezkija vyrazy, kštałtu: «400 zorak u p***u».
Napieradzie jašče ekzamieny 2 i 5 červienia, i jość vierahodnaść, što machlary praciahnuć sprabavać zarabić na školnikach, pradajučy falšyvyja adkazy.
Prajšoŭ centralizavany ekzamien pa biełaruskaj i ruskaj movach
Jak pastupić u Jeŭrapiejski humanitarny ŭniviersitet u 2025 hodzie? Raskazvajem
Nastaŭnica z Kobryna rasčuliła tyktok videa ź listami ad baćkoŭ
Jak u mieduniviersitetach vyrasła kolkaść metavikoŭ za apošnija hady — źmieny istotnyja
Jak pracuje Biełaruskaja akademija: jeŭrapiejskaja adukacyja na rodnaj movie
Kamientary
I jany jaho pravalili, jak pryniata ŭ Biełarusi pravalvać litaralna ŭsie sproby chacia b kimści stać i zrabić chacia b štości.
Raście čarhovaje pakaleńnie...