Zamiest pramych pastavak zbroi Ukrainie Jeŭropa abmiarkoŭvaje varyjant pavialičyć padtrymku ŭkrainskaj abaronnaj pramysłovaści
«Heta biasprojhryšny varyjant. Dla nas heta tańniej. I ŭkraincy šmat čamu nas vučać».
Zamiest pramych pastavak zbroi Ukrainie Jeŭropa abmiarkoŭvaje varyjant pavialičyć padtrymku ŭkrainskaj abaronnaj pramysłovaści. Pra heta sa spasyłkaj na jeŭrapiejskaha čynoŭnika piša The Washington Post.
8 krasavika Jeŭropa abviaściła ab vydzialeńni novaha tranšu ŭ pamiery miljarda jeŭra. Na siońniašni dzień heta samaja bujnaja suma, vydzielenaja śpiecyjalna dla vytvorčaści ŭkrainskaj artyleryi, — častka z bolš čym 20 miljardaŭ jeŭra, jakija Jeŭropa vydzielić na abaronny siektar Ukrainy na praciahu nastupnaha hoda zamiest prostaj adpraŭki zbroi.
«Pa-pieršaje, heta tańniej, — skazała Kataryna Maciernava, pasoł ES va Ukrainie. — Pa-druhoje, heta chutčej. Pa-treciaje, vy skaračajecie transpartnyja i łahistyčnyja vydatki i čas. Pa-čaćviortaje, heta dapamahaje ekanomicy raści».
Pa miery taho jak zapasy zbroi, pastaŭlenyja za čas prezidenctva Džo Bajdena, skančajucca, uzmacniajucca sumnievy ŭ tym, ci zmoža Jeŭropa całkam kampiensavać mahčymaje spynieńnie amierykanskaj dapamohi, asabliva ŭ dačynieńni da klučavych srodkaŭ, takich jak srodki supraćpavietranaj abarony. Jeŭrapiejski čynoŭnik, jaki pažadaŭ zastacca nienazvanym, skazaŭ The Washington Post, što ŭsio bolš krain pryhladajucca da madeli ŭlivańnia hrošaj u abaronnuju pramysłovaść Ukrainy zamiest pastavak zbroi, prapanoŭvajučy bolš chutki šlach, pakolki ŭłasnyja zapasy Jeŭropy vyčerpvajucca paśla pastavak zbroi Kijevu.
Pa słovach čynoŭnika, stratehija taksama dazvalaje krainam NATA vykarystoŭvać Ukrainu ŭ jakaści vyprabavalnaha palihona dla raspracoŭki zbroi, takoha jak bieśpiłotniki, u jakich u ich niama takoha vialikaha vopytu. 155-mm «Bahdana» z dalnabojnaściu stralby ŭ 40 kiłamietraŭ źjaŭlajecca pieršaj haŭbicaj ukrainskaj vytvorčaści kalibra NATA i moža dapamahčy harantavać biaśpieku krainy.
«Heta biasprojhryšny varyjant», — dadaŭ jeŭrapiejski čynoŭnik. «Dla nas heta tańniej. Im treba vyrablać. I ŭkraincy šmat čamu nas vučać».
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ70
Kamientary
Jašče hetyja rehijanalnyja asablivaści paspryjajuć utvareńniu svajho rehijanalnaha łobbi, jakoje ŭžo nie budzie zaležać ad dyskusij z łapidarna adoranymi ŭ Radach Jeŭropy dy inšymi da ich padobnymi. Stračvajuć sens inviestycyi ŭ Sierbiju, Vuhorščynu, Słavakiju dy roznyja hiermanskija alternatyvy.
Słaboje miesca tolki ŭraźlivaść vytvorčaści, ale i Jeŭropie majucca svaje ŭraźlivaści vytvorčaści zbroi dla Ukrainy.
Ź jakich pryčyn i chto vinavaty ciažkaje pytańnie.
Toj ža KrAZ, na bazie jakoha zmantavana sfatahrafanaja "Bahdana", ekspartavaŭ svaje hruzaviki pa ŭsim śviecie, braŭ udzieł u mižnarodnych honkach, intehravaŭsia z IVECO, niešta tam rabiŭ z Tajotaj i Fordam, ale čym bližej da 2022 hoda, tym bolš zhortvaŭ vytvorčaść i raspracoŭki, i da 2022 hoda vytvorčaść była spynienaja, 20 hruzavikoŭ na hod, straty i bankructva...
Padobnaja dynamika nie abminuła i Južmaž, a ukrainski tank "Opłot" uvohule historyja.
Papiaredniaje vyniščeńnie ukrainskaj pramysłovaści i najpierš vajennaj pramysłovaści - šmathadovaja padrychtoŭka da rasijskaj interviencyi.
Ale voś vieru navat ŭ reštki ukrainskaj inžyniernaj dumki i kvalifikacyju tych, chto jašče zastaŭsia.
Spadziajusia.
Ukraina była asnova vajenna-pramysłovaha kompleksu SSSR sa śpiecyjalizacyjaj na składanych sistemach, a nie na štampoŭcy aŭtamataŭ ci husieničnych trakaŭ, i heta nie vypadkova. Taki patencyjał, jak toj kazaŭ, nie prapješ, a ćviordyja talary - ćviordy arhumient.