U Falkštedcie (fiederalnaja ziamla Saksonija-Anchalt) budujecca ŭstanova dla departacyi, u jakoj buduć raźmiaščacca da 30 asobaŭ, što prosiać prystanišča, — da momantu ich vysyłki. Achoŭvać ich pavinny buduć dziesiać śpiecyjalistaŭ-pačatkoŭcaŭ, piša Bild.
«Vučniaŭ pa departacyi» pryciahvajuć zarobkam u 1458,94 jeŭra ŭ miesiac — u inšych śfierach prafiesijnaj padrychtoŭki ŭ Hiermanii zvyčajna płaciać ad 700 da 1000 jeŭra bruta. Ad kandydataŭ nie patrabujecca zanadta šmat: patrebny jak minimum dypłom ab siaredniaj adukacyi z zavieršanaj prafiesijnaj padrychtoŭkaj.
«Za apošnija hady kolkaść zamiežnikaŭ, abaviazanych pakinuć krainu, pavialičyłasia», — tłumačyć pradstaŭnik ziamielnaha ŭpraŭleńnia ŭ adkaz na pytańnie, čamu Saksonija-Anhalt płanuje stvareńnie departacyjnaj turmy.
Akramia ahulnaj erudycyi i piśmiennaści, u kandydataŭ praviarajucca pamiać, łahičnaje myśleńnie i razumieńnie movy. Taksama «vučni pa departacyi» pavinny ŭmieć adciskacca i prabiahać pałasu pieraškod na vytrymku.
Pytańnie mihracyi źjaŭlajecca adnym z samych vostrych u palityčnym paradku dnia Hiermanii. Padčas kaalicyjnych pieramovaŭ było vyłučana prapanova značna pavialičyć kolkaść takich centraŭ dla departacyi biežancaŭ.
Kamientary