Jana letaś vyjšła na svabodu pa pamiłavańni.
«Dobraja ranica z dobraj kavaj! I ŭ dobraj kampanii. Dziakuj kamandzie evakuacyi Bajsoł i ŭsim chto zrabiŭ hetuju ranišniuju sustreču mahčymaj», — napisaŭ Andrej Stryžak.
Ksienija Łuckina da žniŭnia 2020 hoda pracavała na BT. Paśla vybaraŭ jana dałučyłasia da strajku supracoŭnikaŭ chołdynhu, a zatym syšła z pazicyi karespandenta telekanała «Biełaruś 2» i ŭvajšła ŭ asnoŭny skład Kaardynacyjnaj rady.
Paźniej Ksienija kazała ab tym, što razam ź inšymi žurnalistami, jakija zvolnilisia, jany płanujuć stvaryć «alternatyŭnaje telebačańnie» na YouTube. Prajekt raźvivaŭsia ŭ tym liku pry ŭdziele Akademii Pres-kłuba. Pieršyja pieradačy byli zapisanyja, zapusk pavinien byŭ adbycca ŭ studzieni 2021.
Ksieniju zatrymali 22 śniežnia 2020 hoda, joj vystavili spačatku abvinavačvańnie pa č. 2 art. 243 Kryminalnaha kodeksa — uchileńnie ad vypłaty sum padatkaŭ, zboraŭ u asabliva bujnym pamiery. Paźniej hetaja sprava była zakrytaja, a Ksienii vystavili novaje abvinavačańnie pavodle art. 357 Kryminalnaha kodeksu (Zmova ci inšyja dziejańni, učynienyja z metaj zachopu dziaržaŭnaj ułady).
Praz dva hady jaje asudzili na vosiem hadoŭ kałonii, prakuratura śćviardžała, što Ksienija zajmałasia stvareńniem «hramadskaha biełaruskaha interaktyŭnaha telebačańnia, meta jakoha — utojvańnie i skažeńnie realnych faktaŭ, eskałacyja pratesnaj aktyŭnaści, stymulavańnie raskołu ŭ biełaruskim hramadstvie, farmavańnie ŭ ludziej niehatyŭnaj dumki ab dziejnaści dziaržorhanaŭ».
U žurnalistki była puchlina mozhu, a na voli zastavaŭsia jaje vaśmihadovy syn.
U žniŭni 2024 hoda jana vyjšła pa pamiłavańni.
-
Cichanoŭski raskazaŭ, jak za dapamohu jamu asudzili inšaha viaźnia, što siadzieŭ nie za palityku
-
«Stajać na svaim, kožny nakolki moža!». Vialikaja hutarka z Natallaj Dulinaj pra hopnikaŭ z HUBAZiKa, Kaleśnikavu i što tam u kaho ŭ kałonii
-
«Kaleśnikavu pierad sustrečaj z baćkam sprabavali pryvieści ŭ paradak — jana była na ŭzmocnienym charčavańni»
«Stajać na svaim, kožny nakolki moža!». Vialikaja hutarka z Natallaj Dulinaj pra hopnikaŭ z HUBAZiKa, Kaleśnikavu i što tam u kaho ŭ kałonii4
Kamientary
A skoka v, kak ich, kvantovych kulbitach!