Rasija i Kitaj imknucca zavierbavać słužačych, zvolnienych administracyjaj Trampa
Rasija, Kitaj i inšyja zamiežnyja sapierniki ZŠA niadaŭna daručyli svaim raźviedkam uzmacnić viarboŭku amierykanskich słužboŭcaŭ, jakich niadaŭna zvolnili abo jakija mohuć być zvolnienyja. Pra heta paviedamiŭ telekanał CNN sa spasyłkaj na svaje krynicy i adpaviedny dakumient, jaki tyčycca hetaha pytańnia.
Raźvieddanyja pakazvajuć, što supierniki ZŠA imknucca skarystacca namierami administracyi Trampa ažyćciavić masavyja zvalnieńni ź fiederalnaj słužby.
Siarod inšaha, Rasija i Kitaj zasiarodžvajuć svaje namahańni na niadaŭna zvolnienych supracoŭnikach z dopuskam da dziaržaŭnaj tajamnicy i pracaŭnikach na vyprabavalnym terminie, jakija mohuć vałodać kaštoŭnaj infarmacyjaj ab krytyčna važnaj infrastruktury ZŠA, skazali CNN dźvie krynicy.
Supracoŭnikam źniešniaj raźviedki zamiežnych supiernikaŭ ZŠA zahadali šukać patencyjnyja krynicy ŭ LinkedIn, TikTok, RedNote i Reddit.
Prynamsi, adzin supracoŭnik zamiežnaj vyviedki daručyŭ svajmu ahientu stvaryć profil kampanii ŭ Linkedin i raźmiaścić abjavu ab pryjomie na pracu, a taksama aktyŭna adsočvać fiederalnych słužačych, jakija pakazvajuć, što jany «adkrytyja dla pracy».
Praciŭniki ličać, što supracoŭniki «ciapier najbolš uraźlivyja», — skazała inšaja krynica. «Jany zastalisia biez pracy, niezadavolenyja zvalnieńniem i h.d.».
«Nie treba mieć vialikuju fantaziju, kab zrazumieć, što hetyja zvolnienyja fiederalnyja słužačyja, jakija vałodajuć bahatymi instytucyjnymi viedami, ujaŭlajuć saboj nadzvyčaj pryvabnyja mety dla raźviedvalnych słužbaŭ našych kankurentaŭ i apanientaŭ», — skazała CNN treciaja krynica, znajomaja ź niadaŭnimi acenkami ZŠA.
Administracyja Trampa zajaŭlaje, što skaračaje 90% kantraktaŭ USAID na zamiežnuju dapamohu
Mask zahadaŭ usim fiederalnym čynoŭnikam ZŠA spravazdačycca, što jany robiać, abo zvolnicca
Ci moža Mask adklučyć ukraincam Starlink?
«Chłuślivaja istota». U adkaz na słovy Trampa ŭkrainskaje hramadstva zhurtavałasia vakoł Zialenskaha
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary
Ci mietadyčku pierad publikacyjaj nie pravieryli na vierahodnaść?