«Łukašenka ničoha nie atrymaŭ za hety abmien». Pa palitviaźniaŭ u Minsk pryjazdžaŭ supracoŭnik Dziarždepa Krys Śmit
Ź nieanansavanym vizitam Minsk naviedaŭ namieśnik pamočnika dziaržaŭnaha sakratara ZŠA pa Uschodniaj Jeŭropie Krys Śmit. U hety ž dzień było vyzvalena try viaźni, minimum dvoje ź jakich — palityčnyja. Asoba treciaha nieviadomaja. Ale jon — hramadzianin ZŠA, aryštavany ŭ vieraśni 2024 hoda.
«Heta była śpiecyjalnaja apieracyja, padčas jakoj my tolki što pierasiekli biełaruskuju miažu, pajechali ŭ Minsk, kab sustrecca ź biełaruskimi kalehami, jakija pryvieźli da nas hetych troch zatrymanych. Jany byli pieradadzieny nam, i my pryvieźli ich nazad praź Litvu», — raskazaŭ Krys Śmit u intervju CNN.
Śmit zabraŭ troch viaźniaŭ, prynamsi dvoje ź jakich — palityčnyja. Hetyja ludzi źnianacku, biez papiaredžańniaŭ, Andrej Kuźniečyk — u turemnaj robie, — byli vyniatyja z-za krataŭ i dastaŭlenyja na miažu ź Jeŭrasajuzam.
Śmit zajaviŭ, što heta «byŭ adnabakovy žest z boku ŭładaŭ Łukašenki». A Łukašenka, kaža Śmit, «ničoha nie atrymaŭ za hety abmien».
Krynicy «Našaj Nivy» vykazvajuć sumnieŭ u tym, što Andrej Kuźniečyk i Alena Maŭšuk byli asnoŭnymi pryčynami, pa jakich Śmit naviedaŭ Minsk. Jany schilajucca da dumki, što heta «padarunki» amierykancu z raźlikam na praciah dyjałohu. Sapraŭdny ž źmiest pieramovaŭ nam nieviadomy.
Vyzvaleny ŭ Biełarusi amierykaniec — nie advakat Juraś Ziankovič
Daradca Cichanoŭskaj raskazaŭ, jak jon razam ź Viačorkam sustrakaŭ vyzvalenuju Alenu Maŭšuk
«Prakuror skazaŭ, što mnie treba pakinuć Biełaruś». Byłaja palitźniavolenaja Alena Maŭšuk raskazała pra ŭmovy svajho vyzvaleńnia
Amierykancy zabrali ź biełaruskaj turmy žurnalista Andreja Kuźniečyka i jašče dvuch palitźniavolenych
Pry spryjańni ZŠA vyzvalili šmatdzietnuju Alenu Maŭšuk — sanitarku balnicy, jakaja na pratestach u Pinsku ŭdaryła kałom pa siłavikach
Kamientary