20-hadovy biełaruski paŭabaronca bielhijskaha «Ljersa» Maksim Kirejeŭ pierajšoŭ u «Vilem II», jaki hulaje ŭ vyšejšym dyvizijonie Niderłandaŭ.
Futbalist dałučycca da kamandy, nazvanaj u honar karala Niderłandaŭ, što žyŭ u XIX stahodździ, letam.
Jak paviedamlaje pres-słužba, kantrakt budzie padpisany na 4 hady.
Rejtynh futbolnaha čempijanatu Niderłandaŭ dosyć vysoki. UEFA pa vynikach piaci siezonaŭ stavić na 6-je miesca, śledam za Anhlijaj, Italijaj, Ispanijaj, Hiermanijaj i Francyjaj. Jon apiaredžvaje Partuhaliju, Bielhiju, Turcyju. Biełaruś pa sumarnym vyniku piaci siezonaŭ naohuł 52-ja.
U hetym siezonie Kirejeŭ pravioŭ 15 matčaŭ za «Ljers», što hulaje ŭ druhim dyvizijonie Bielhii, zabiŭ 1 hoł i addaŭ 4 vynikovyja pieradačy.
U vyšejšych dyvizijonach u Jeŭropie biełarusy hulajuć u čempijanatach Polščy (najbolšaje pradstaŭnictva — try čałavieki), Ałbanii, Bałharyi, Vienhryi, Hrecyi, Kipra, Izraila i Sierbii.
Trafim Mielničenka i Uładzisłaŭ Marozaŭ pierachodzili ŭ vyšejšy dyvizijon Partuhalii, ale ŭ vyniku akazalisia ŭ druhim dyvizijonie. Mielničenka hulaje za «Portu 2», a Marozaŭ za «Pasuš Fierejru».
Ciapier čytajuć
Sofja Sapieha: Pratasievič nahavaryŭ na mianie ceły tom kryminalnaj spravy37
Sofja Sapieha: Pratasievič nahavaryŭ na mianie ceły tom kryminalnaj spravy
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary