U Paźniaka zajavili, što na ichniaj akcyi ŭ Varšavie było 55 čałaviek
U telehram-kanale ruchu «Volnaja Biełaruś» nazvali dakładnuju kolkaść ludziej, jakija brali ŭdzieł 26 studzienia ŭ arhanizavanaj hetaj arhanizacyjaj akcyi kala pomnika Tadevuša Kaściuški ŭ Varšavie.
Jak śćviardžajuć u arhanizacyi, lidaram jakoj źjaŭlajecca vieteran biełaruskaha ruchu Zianon Paźniak, «sumarna ŭdzielnikaŭ akcyi naličvałasia 55 čałaviek».
Akcyja pravodziłasia jak alternatyŭnaja adnosna toj, jakuju ładziła ŭ hety samy dzień u Varšavie rešta demakratyčnych sił na čale sa Śviatłanaj Cichanoŭskaj i Paŭłam Łatuškam. Pra heta pisaŭ u sacsietkach sam Zianon Paźniak:
«U dzień haniebnych dla biełarusaŭ psieŭdavybaraŭ jany arhanizavali karnavalnaje šeście ŭ Varšavie z muzykaj, dudkami i badziorymi vokličami ŭ styli chadžeńnia pa Minsku ŭ 2020 hodzie. «Volnaja Biełaruś» u hety dzień la pomnika Kaściuški publična prainfarmavała hramadstva ab sutnaści falšyvych vybaraŭ, nahadała pra hadavinu śmierci vajara Pałka Kalinoŭskaha Eduarda Łobava, pra hieroja Niabiesnaj sotni Michasia Žyźnieŭskaha, pra zmahańnie biełarusaŭ z maskoŭskim mordaram».
Ciapier čytajuć
«Pieraapranuŭsia ŭ amapaŭca i dyryžyravaŭ čornaj dubinkaj». Adzin z zasnavalnikaŭ «Volnaha choru» — pra akcyi ŭ handlovych centrach u 2020‑m i pracu ŭ fiłarmonii ŭ Litvie55
Kamientary