Biełarusy zamiežža pačali kreatyvić na temu «biazvybaraŭ» FOTY
26 studzienia i ŭ nastupnyja dni ŭ dziasiatkach haradoŭ śvietu projduć biełaruskija akcyi z metaj pryciahnieńnia ŭvahi śvietu da parušeńnia pravoŭ čałavieka ŭ Biełarusi i praviadzieńnia režymam Łukašenki pad šyrmaj vybaraŭ «biazvybaraŭ». Centram mierapryjemstvaŭ stanie Varšava, dzie projduć Marš biełarusaŭ i forum «Biełarusy hodnyja lepšaha». Ale biełarusy ŭ niekatorych inšych miescach pačali akcyi napiaredadni.
Polšča
Napiaredadni asnoŭnaha dnia hałasavańnia aktyvist Siarhiej Stalmakoŭ pravioŭ adzinočny pikiet na polska-biełaruskaj miažy, piša Most.
Z polskaha boku, usiaho za 30 mietraŭ ad šłahbaŭma, jon pastaviŭ impravizavanuju skryniu dla biuleteniaŭ u vyhladzie ŭnitaza, a zboku paviesiŭ rułon tualetnaj papiery. Na skryni jon napisaŭ: «Papiera dla hałasavańnia».
Pa słovach Siarhieja, meta akcyi — nahadać biełarusam pra falsifikacyju vybaraŭ u krainie.
Ukraina
Tut prajšoŭ adzinočny pikiet z nahody «vybaraŭ», piša «Viasna».
ZŠA
U Čykaha źjavilisia nalepki z «abvieščannym u vyšuk» Łukašenkam. Tak biełarusy hetaha horada vykazali svaje adnosiny da «vybaraŭ», piša «Viasna».
Izrail
U Tel-Avivie biełarusy raspaŭsiudzili ulotki pra situacyju ŭ Biełarusi na iŭrycie, a taksama simvalična «prahałasavali» — apuścili biuleteń z Łukašenkam u šredar, piša «Viasna».
Nahadajem, pačatak maršu ŭ Varšavie 26 studzienia — 12:00. Maršrut: Plac Trzech Krzyży — Pomnik Kopernika — Plac Zamkowy, dzie ŭ 13:15 zapłanavany mitynh.
U 14:00 pačniecca forum «Biełarusy hodnyja lepšaha».
Skončyłasia daterminovaje hałasavańnie. Pracent vyvieli rekordny, ale jość niuans
Były ministr zamiežnych spraŭ Litvy daścipna prakamientavaŭ biełaruskija «vybary» FOTA
«Prama nie prymušajuć, ale namiakajuć». Jak biełarusaŭ matyvujuć na daterminovaje hałasavańnie
«Vybary, vybary». Najlepšyja tvity tydnia
«Zabić jaho ci adrezać jamu jajcy ja nie rašyŭsia». Padrabiaznaści trahiedyi ŭ Hdańsku, dzie vajar katavaŭ bojfrenda, a paśla zabiŭ siabie65
Kamientary