20 tysiač rubloŭ — taki hanarar Ivan Ejsmant paprasiŭ za svaje siužety da vybaraŭ
Na dziaržaŭnym telekanale «Biełaruś 1» u listapadzie minułaha hoda zapuścili cykł prapahandysckich pieradač «Vriemia vybrało nas». Ich viadoŭca — kiraŭnik Biełteleradyjokampanii Ivan Ejsmant — muž pres-sakratarki Łukašenki Natalli Ejsmant. U hetych pieradačach siarod inšaha niby pad kapirku tranślujuć rasijskuju paradyhmu pra vajnu va Ukrainie i raskazvajuć, jak u Biełarusi ŭ 2020-m chacieli «zładzić dziaržaŭny pieravarot».
Jak vyśvietliła «Lusterka» z zajavak na sajcie dziaržzakupak, za scenar da hetaj pieradačy i niekatoryja inšyja raboty kiraŭnik dziaržtelekanała atrymaŭ hanarar. Hetyja hrošy ŭziali ź dziaržbiudžetu, to-bok faktyčna z kišeniaŭ padatkapłatnikaŭ.
Kolki zapłacili Ejsmantu ź dziaržbiudžetu za scenar?
Z 19 listapada minułaha hoda Biełteleradyjokampanija vypuściła 33 prapahandysckija pieradačy pad ahulnaj nazvaj «Vriemia vybrało nas». Ich aŭtaram i viadoŭcam paznačany kiraŭnik hetaha dziaržtelekanała Ivan Ejsmant. Jon pa sumiaščalnictvie deputat Minskaha haradskoha savieta deputataŭ, davieranaja asoba Alaksandra Łukašenki na vybarach-2025 i muž pres-sakratarki palityka Natalli Ejsmant.
Niahledziačy na toje što Ivan Ejsmant jak kiraŭnik Biełteleradyjokampanii atrymlivaje tam zarobak, jon paprasiŭ hrošaj za napisańnie scenaraŭ, viadzieńnie i ahučku pieradač «Vriemia vybrało nas». Heta vynikaje z zajavak na sajcie dziaržzakupak. Tak, za scenar i rolu viadoŭcy jon paprasiŭ 15 844 rubli. Jaho praca pa zakadravaj ahučcy pieradač kaštavała jašče 3978 rubloŭ. Hetyja hrošy dla apłaty pracy prapahandysta ŭziali ź biudžetu krainy. To-bok jamu zapłacili padatkapłatniki.
Pra jakija pieradačy idzie havorka?
Adna z samych śviežych pieradač pryśviečanaja ŭ tym liku vajnie va Ukrainie, jakuju raźviazała Rasija. Jaje Ivan Ejsmant nazyvaje śpiecyjalnaj vajennaj apieracyjaj, jak heta robiać rasijskija prapahandysty. U pryvatnaści, tam havorycca, što «ŭviečary 23 lutaha 2022 hoda prykładna ŭ 22.00 Danbas źviartajecca da Rasii pa dapamohu ad ahresii z boku Ukrainy».
Inšuju pieradaču, źniatuju za hrošy padatkapłatnikaŭ, Ejsmant pryśviaciŭ mirnym mitynham u Biełarusi ŭ 2020 hodzie suprać hvałtu i falsifikacyi vybaraŭ. Adnak u viersii prapahandysta heta była sproba zrynuć uładu, vykananaja pavodle zachodnich mietadyčak i praviedzienaja «pad kapirku» z Majdana ŭ Kijevie. «U razbureńnie i sprobu ŭziać pad jaho kantrol Biełaruś Zachad ukłaŭ kałasalnyja hrošy. Polskija žurnalisty paviedamlali navat pra 6 młrd dalaraŭ», — raskazvaje ŭ efiry muž pres-sakratarki Łukašenki.
Nahadajem, raniej — u sakaviku 2022 hoda — u efiry padparadkavanaha jamu telekanała Ivan Ejsmant zajaŭlaŭ pra hatoŭnaść nieści adkaznaść u vypadku, kali b jaho złavili na niepraŭdzivych zajavach: «Kali b nas tak, jak CNN, za apošnija navat paŭtara hoda stolki razoŭ złavili na adkrytaj chłuśni, napeŭna, treba było pajści i ŭ najlepšym vypadku napisać zajavu, a ŭ byłyja časy zastrelicca».
Ivan Ejsmant znachodzicca pad sankcyjami ES. A ŭ biełaruskaj sistemie paśla hetaha jaho pryznali «najlepšym televiadoŭcam».
Ciapier čytajuć
Stała viadoma, što za 200 tysiač jeŭra prapanoŭvali Siarhieju Cichanoŭskamu «biełaruskija biznesmieny»12
Kamientary
Łukašienko, vidno, eto poniał i prikazał zapuskať parallelno jemu «My - biełorusy» na ONT, hdie zastavili śnimaťsia vieś siłovoj błok, vklučaja Šiejmana i Volfoviča, no kromie Tiertiela, byvšich i diejstvujuŝich ministrov socialnoho błoka (obrazovanija, zdravoochranienija) i dažie Abielskuju s rukovodstvom krupniejšich hosudarstviennych miedicinskich klinik.
Tak błahodaria eks-mientu Ivanu Ejsmontu, hienialnomu ścienaristu i mužu priess-siekrietaria Łukašienko, v pamiati iźbiratielej voskrieśli vospominanija o sobytijach davno minuvšich let s isčieznovienijem iźviestnych ličnostiej i eskadronom śmierti...